- 2019-03-06 07:28:29
- ព័ត៌មាន
ភ្ញាក់ផ្អើល! ២ថ្ងៃក្រោយជំនួបនៅហាណូយ កូរ៉េខាងជើងសង់កន្លែងបាញ់រ៉ុកកែតឡើងវិញ
- 2019-03-06 07:28:29
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ២ថ្ងៃក្រោយជំនួបនៅហាណូយ កូរ៉េខាងជើងសង់កន្លែងបាញ់រ៉ុកកែតឡើងវិញ
ចន្លោះមិនឃើញ
រូបភាពថ្មីថតដោយផ្កាយរណបបង្ហាញថា កូរ៉េខាងជើងកំពុងតែសាងសង់កន្លែងបាញ់រ៉ុកកែតរបស់ខ្លួនឡើងវិញបើទោះបីជាសន្យាថានឹងលប់បំបាត់ចោលក៏ដោយ។
យោងតាមអ្នកវិភាគឲ្យដឹងថា រូបភាពពីផ្កាយរណបនេះ ត្រូវថតបានរយៈពេលពីរថ្ងៃប៉ុណ្ណោះក្រោយកិច្ចពិភាក្សារវាងមេដឹកនាំកូរ៉េខាងជើងជាមួយប្រធានាធិបតីអាមេរិកក្នុងទីក្រុងហាណូយប្រទេសវៀតណាម។ ទីតាំងនេះ មានឈ្មោះថា Tongchang-ri ដែលត្រូវបានប្រើប្រាស់សម្រាប់បាញ់គ្រាប់រ៉ុកកែត និងការសាកល្បងម៉ាស៊ីន។ តាមរយៈផ្កាយរណប គេសង្កេតឃើញថាការសាងសង់ទីតាំងនេះឡើងវិញកំពុងតែមានដំណើរការទៅមុខយ៉ាងឆាប់រហ័ស។
យ៉ាងណាមិញ សហរដ្ឋអាមេរិកធ្លាប់ព្រមានកូរ៉េខាងជើងថានឹងដាក់ទណ្ឌកម្មមកលើរដ្ឋាភិបាលក្រុងព្យុងយ៉ាងប្រសិនបើមិនមានវិធានការដកនុយក្លេអ៊ែរចេញពីឧបទ្វីបកូរ៉េ ខណៈដែលអ្នកវិភាគមើលឃើញថាទង្វើរបស់កូរ៉េខាងជើងហាក់ផ្ទុយស្រឡះពីកិច្ចចរចាកាលពីឆ្នាំមុនក្នុងប្រទេសសិង្ហបុរី៕
