/5c8780774055e_1552384080_medium.jpg)
- 2019-03-12 10:30:00
- ព័ត៌មាន
កម្ពុជាផលិតអំបិលបានជាង ១ម៉ឺនតោន ផ្អាកនាំចូល ២ម៉ឺនតោន
- 2019-03-12 10:30:00
- ចំនួនមតិ 0 | ចំនួនចែករំលែក 0
កម្ពុជាផលិតអំបិលបានជាង ១ម៉ឺនតោន ផ្អាកនាំចូល ២ម៉ឺនតោន
ចន្លោះមិនឃើញ
គិតតាំងពីខែមករា ដើមឆ្នាំ២០១៩ មកទល់ពាក់កណ្ដាលខែមីនានេះ សហគមន៍អ្នកផលិតអំបិលកំពត-កែប ផលិតអំបិលបានប្រមាណជាង ១២ ០០០តោន។ នេះបើតាមតួលេខដែលផ្ដល់ជូន Sabay ដោយលោក ប៊ុន ណារិន ប្រធានផ្នែកបច្ចេកទេស នៃសមាគមអ្នកផលិតអំបិលកែប និងកំពត ។
ទិន្នន័យបឋមនេះ បានមកពីមណ្ឌលផលិតចំនួន៦ ក្នុងចំណោមមណ្ឌលទាំង៧។ សហប្រធានរូបនេះប៉ាន់ស្មានថា មណ្ឌលមួយទៀតប្រហែលទទួលបានទិន្នផលអំបិលប្រមាណ ២ ០០០តោន។
ចំណែកព័ត៌មានអំពីការនាំចូលអំបិលពីក្រៅប្រទេសមានចិន និងថៃចំនួន ៣ម៉ឺនតោននោះ មកដល់ពេលនេះសហគមន៍ សម្រេចនាំចូលតែ១ម៉ឺនតោនពីចិនតែប៉ុណ្ណោះ ឯ២ម៉ឺនតោនទៀត ត្រូវផ្អាក ព្រោះកម្ពុជាមានអំបិលគ្រប់គ្រាន់ហើយ។
តាមពិតទៅទិន្នផលអំបិលអាចទទួលបានច្រើនជាងនេះ ២ ទៅ ៣ដង ប្រសិនមានកម្លាំងពលកម្មគ្រប់គ្រាន់។ ប៉ុន្តែចំនួនកម្មករថយចុះដល់ទៅ ៤ដង គឺពី ៥០នាក់មកនៅត្រឹម ១០នាក់ ដែលជាបញ្ហាប្រឈមធ្ងន់ធ្ងររបស់ម្ចាស់ស្រែអំបិល។ នេះបើតាមការលើកឡើងរបស់លោកប៊ុន ណារិន។
និយាយពីតម្លៃអំបិលវិញពុំមានការប្រែប្រួលនោះទេ គឺចន្លោះពី ១ ១០០០រៀល ទៅ ១៤ ០០០រៀល ក្នុងមួយបាវ ៥០គីឡូ។ ជារួមបច្ចុប្បន្នតម្លៃអំបិលមួយបាវ ១២ ០០០រៀល៕
