- 2019-03-15 01:30:45
- ព័ត៌មាន
គួរឲ្យរន្ធត់! បាក់ស្ពានថ្មើរជើងនៅឥណ្ឌា សម្លាប់មនុស្ស ៥នាក់និងរបួសរាប់សិបនាក់
- 2019-03-15 01:30:45
- ចំនួនមតិ 0 | ចំនួនចែករំលែក 0
គួរឲ្យរន្ធត់! បាក់ស្ពានថ្មើរជើងនៅឥណ្ឌា សម្លាប់មនុស្ស ៥នាក់និងរបួសរាប់សិបនាក់
ចន្លោះមិនឃើញ
យ៉ាងហោចណាស់មនុស្ស ៥នាក់ត្រូវបានស្លាប់និងរាប់សិបនាក់ទៀតរងរបួសក្រោយស្ពានថ្មើរជើងមួយបានបាក់នៅជិតស្ថានីយរថភ្លើងដ៏សំខាន់ក្នុងទីក្រុង Mumbai។
យោងតាមសារព័ត៌មានឥណ្ឌាឲ្យដឹងថា ការបាក់ស្ពានបានកើតឡើងកាលពីវេលាម៉ោង ៧:៣០នាទីល្ងាចថ្ងៃព្រហស្បតិ៍បណ្ដាលឲ្យមនុស្ស ៥នាក់ស្លាប់ និង៣០នាក់ទៀតរងរបួស។ រូបភាពពីកន្លែងកើតហេតុបង្ហាញថាក្រុមអ្នកជួយសង្គ្រោះកំពុងធ្វើការយកកម្ទេចកំទី និងជួយអ្នករងរបួស។ យោងតាមសាក្សីម្នាក់ឲ្យដឹងថា "ស្ពានទាំងមូល បានបាក់ស្ដែងៗនៅនឹងមុខរបស់ខ្ញុំ ធ្វើឲ្យមានកម្ទេចកំទីនៅគ្រប់ទីកន្លែង។”
ក្រោយកើតហេតុ នាយករដ្ឋមន្ត្រីឥណ្ឌាលោក Narendra Modi បានសម្ដែងការសោកស្ដាយជាខ្លាំងចំពោះជនរងគ្រោះដែលបានស្លាប់ ខណៈដែលរដ្ឋមន្ត្រី Devendra Fadnavis អះអាងថានឹងផ្ដល់សំណងដល់ជនរងគ្រោះទាំងអស់ ក៏ដូចជាចេញបញ្ជាឲ្យស៊ើបអង្កេតពីមូលហេតុផងដែរ៕
