- 2019-03-15 04:32:29
- ព័ត៌មាន
គណិតវិទូក្រិចបុរាណប្រើតែដំបងឈើមួយ និងវិធីគណនាលេខធម្មតាអាចដឹងបរិមាត្រផែនដី
- 2019-03-15 04:32:29
- ចំនួនមតិ 0 | ចំនួនចែករំលែក 0
គណិតវិទូក្រិចបុរាណប្រើតែដំបងឈើមួយ និងវិធីគណនាលេខធម្មតាអាចដឹងបរិមាត្រផែនដី
ចន្លោះមិនឃើញ
គណិតវិទូក្រិចបុរាណគ្រាន់តែប្រើដំបងឈើមួយ បូករួមនឹងចំណេះដឹងផ្នែកគណិតវិទ្យារបស់ខ្លួនបានគណនាបរិមាត្រផែនដីស្ទើរតែត្រឹមត្រូវ១០០ភាគរយដូចអ្នកវិទ្យាសាស្រ្តបច្ចុប្បន្ន។
នៅដើមសវត្សទី២០ អ្នកវិទ្យាសាស្រ្តបានបាញ់ផ្កាយរណបទៅលំហអាកាស និងបានគណនាឃើញថាបរិមាត្រផែនដីមានប្រវែង ៤០ ០៣០គីឡូម៉ែត្រ។ ប៉ុន្តែគណិតវិទូក្រិចបុរាណកាលជាង២០០០ឆ្នាំមុន លោក Eratosthenes (២៧៦-១៩៤ ឆ្នាំមុនគ.ស.) បានរកឃើញថាបរិមាត្ររបស់ផែនដីមានប្រវែង៤០ ០០០គីឡូម៉ែត្រ។
ការរកឃើញនេះ លោកបានប្រើវិធីសមញ្ញប៉ុណ្ណោះ ដោយប្រើដំបងឈើមួយ ជាមួយនិងចំណេះដឹងផ្នែកគណិតវិទ្យារបស់លោក។
ដំបូងឡើយលោកសង្កេតឃើញថាទីក្រុងSyeneភាគខាងត្បូង Alexandria ដែលអ្វីៗមិនមានស្រមោលទេនៅពេលព្រះអាទិត្យដើរចំពីលើក្បាលមនុស្ស តែនៅAlexandria លោកបានសាកយកដំបងឈើមួយដោតទៅនឹងដី ហើយបានចាំមើលថាតើពេលព្រះអាទិត្យដើរដល់ចំពីលើក្បាលមនុស្សវាមានស្រមោលឬយ៉ាងណា។
ពេលនោះលោកឃើញថាទោះព្រះអាទិត្យនៅចំពីលើហើយក្ដីក៏ដំបងឈើរបស់លោកនៅមានស្រមោល ដែលវាស់ចេញបានមុំ៧,២ដឺក្រេគិតពីចំណុចកំពូលនៃដំបងឈរមកកាន់ចុងស្រមោលនៅលើដីរាបស្មើ។ តោងតាមភស្តុតាងពីរនេះលោកគិតថាផែនដីមានរាងមូល។
ជាមួយគ្នានេះដែរលោកក៏បានជួលបុរសម្នាក់ឲ្យដើរនិងវាស់ចម្ងាយពីAlexandria ទៅទីក្រុងSyene ដោយបានដឹងថាមានចម្ងាយប្រហែល៨០០គីឡូម៉ែត្រ។
លោកបានចាប់ផ្តើមគណនាបរិមាត្រផែនដីដោយប្រើវិធីសមាមាត្រធម្មតាមួយ ដោយយក ៧,២/៣៦០ដឺក្រេ ឬ១/៥០=៨០០គីឡូម៉ែត្រ/Xម៉ែត្រ ដែលនាំឲ្យលោកឃើញថា Xម៉ែត្រ= ៨០០ គុណនឹង៥០ នាំឲ្យXស្មើនឹង ៤០ ០០០គីឡូម៉ែត្រ ខណៈអ្នកវិទ្យាសាស្រ្តបច្ចុប្បន្នរកឃើញថាបរិមាត្រផែនដីមានប្រវែង៤០ ០៣០គីឡូម៉ែត្រ៕
