- 2019-03-15 04:40:09
- ការអប់រំ
Wow! ប្រកួតតស៊ូមតិ និងនិយាយជាសាធារណៈ ដើម្បីបានរង្វាន់ទៅលេងអង់គ្លេស ២ សប្ដាហ៍ Free
- 2019-03-15 04:40:09
- ចំនួនមតិ 0 | ចំនួនចែករំលែក 0
Wow! ប្រកួតតស៊ូមតិ និងនិយាយជាសាធារណៈ ដើម្បីបានរង្វាន់ទៅលេងអង់គ្លេស ២ សប្ដាហ៍ Free
ចន្លោះមិនឃើញ
កម្មវិធី CamDEBATE គឺជាវេទិកាលើកកម្ពស់ដល់វប្បធម៌ចែករំលែកទស្សនវិស័យនានារវាងយុវជនកម្ពុជាក្នុងនាមលើកកម្ពស់ និងពង្រឹងការយល់ដឹង ចំណងមិត្តភាព និងចំណេះទាំងឡាយតាមរយៈការធ្វើបទបង្ហាញជាសាធារណៈ និងការតស៊ូមតិ (Public Speaking and Debate)។
ក្នុងឆ្នាំនេះ កម្មវិធី CamDEBATE បានចេញមកស្វែងរកជើងខ្លាំងផ្នែកនិយាយជាសាធារណៈ និងតស៊ូមតិ ដើម្បីទទួលយករង្វាន់ជាដំណើរទស្សនកិច្ចសិក្សាទៅកាន់ចក្រភពអង់គ្លេសរយៈពេល ២ សប្ដាហ៍ រួមបញ្ចូលទាំងរង្វាន់ផ្សេងៗទៀតដូចជា ពានង្វាន់ មេដាយ អាហារូបករណ៍សិក្សានៅ ACE ផ្ទាល់ លិខិតបញ្ជាក់ជយលាភី និងកាដូមួយឈុត។
មិនមែនត្រឹមតែជាការប្រកួតទេ កម្មវិធីនេះផ្ដោតលើការខិតខំនិងព្យាយាមយ៉ាងផ្ចិតផ្ចង់ទៅលើការចែករំលែកគំនិតល្អៗរវាងសិស្សានុសិស្ស និងអ្នកជំនាញវ័យក្មេងក្នុងសង្គម។ អ្នកចូលរួមនឹងមានឱកាសចូលរួមចែករំលែកទស្សនវិស័យក្នុងបរិយាកាសមួយពោរពេញដោយភាពក្លាហាន ចាប់តាំងពីវគ្គសាកល្បងដំបូងរហូតដល់វគ្គផ្ដាច់ព្រ័ត។ បេក្ខជននឹងបានស្វែងយល់ ថែមទាំងទទួលបានចំណេះដឹងអំពីបញ្ហាជាតិនិងអន្តរជាតិសំខាន់ៗ។
កម្មវិធី CamDEBATE មានគោលបំណងផ្ដល់នូវ៖
បេក្ខជនដែលកំពុងស្នាក់នៅក្នុងប្រទេសកម្ពុជាទាំងអស់សុទ្ធតែមានសិទ្ធអាចចូលរួមប្រកួតក្នុងកម្មវិធី CamDEBATE នេះបាន។ ការប្រកួតគឺបែងចែកតាមអាយុជា ២ ប្រភេទ គឺការប្រកួតរវាងសិស្សវិទ្យាល័យ និង និស្សិត ឬរវាងបុគ្គលិកការិយាល័យវ័យក្មេងដែលមានអាយុក្រោម ២៥ ឆ្នាំ ដោយតម្រូវឲ្យចុះឈ្មោះ និងបង់ប្រាក់មុនថ្ងៃទី ៣០ ខែមេសា ឆ្នាំ២០១៩។
សម្រាប់ប្រភេទ សិស្សវិទ្យាល័យ បេក្ខជនត្រូវមានអាយុយ៉ាងហោចណាស់ ១៥ ឆ្នាំឡើងទៅ និង កំពុងសិក្សានៅវិទ្យាល័យណាមួយនៅកម្ពុជាអំឡុងពេលដែលចុះឈ្មោះ។
សម្រាប់ប្រភេទ និស្សិត និងបុគ្គលិកវ័យក្មេងវិញ បេក្ខជនត្រូវមានអាយុអាយុក្រោម ២៥ ឆ្នាំ និងកំពុងសិក្សាកម្រិតមហាវិទ្យាល័យ ឬបម្រើការងារ ឬមានមុខរបរផ្ទាល់ខ្លួននៅក្នុងប្រទេសកម្ពុជាអំឡុងពេលដែលចុះឈ្មោះ។
បេក្ខភាពទាំងអស់នឹងទទួលបានការបណ្តុះបណ្តាលដូចជា ចូលរួមវគ្គពង្រឹងជំនាញធ្វើបទបង្ហាញជាសាធារណៈ និង ការតស៊ូមតិ ដែលនឹងផ្ដល់ឲ្យដោយគ្រូណែនាំជំនាញ (mentor) មកពីសាលានិងស្ថាប័នផ្សេងៗដែលជាដៃគូសហការ របស់ CamDEBATE។
ចាប់ផ្ដើមទទួលពាក្យពីពេលនេះរហូតដល់ថ្ងៃទី ៣០ ខែមេសា ឆ្នាំ ២០១៩។ ដើម្បីធ្វើការចុះឈ្មោះ សូមបេក្ខជនដែលចាប់អារម្មណ៍ត្រូវធ្វើតាមជំហានដូចខាងក្រោម៖
បេក្ខជនអាចចុះឈ្មោះនៅលើបណ្ដាញ (Online) តាមរយៈវេបសាយ www.camdebate.org/Login
បេក្ខជនអាចធ្វើការបង់ប្រាក់ (២០ ដុល្លារអាមេរិក) នៅការិយាល័យរបស់ សាលា ACE ទីតាំងណាក៏បាន មុនថ្ងៃទី ៣០ ខែមេសា ឆ្នាំ ២០១៩ ឬបេក្ខជនអាចធ្វើការបង់ប្រាក់តាមរយៈរយៈបណ្ដាញ (Pay Online)
បេក្ខជនអាចចុះឈ្មោះចូលប្រកួតបានទាំងពីរមុខ (ការធ្វើបទបង្ហាញជាសាធារណៈ និង ការតស៊ូមតិ)
ប្រសិនបើបេក្ខជនធ្លាក់នៅវគ្គដំបូង (Audition Round) ពួកគេនឹងទទួលបានប្រាក់ដែលបានបង់ពេលចុះឈ្មោះវិញ។
សម្រាប់ព័ត៌មានបន្ថែម សូមចូលទៅកាន់ http://www.camdebate.org/៕