- 2019-03-16 03:46:39
- ព័ត៌មាន
អាកាសយានដ្ឋានបួនក្នុងប្រទេសអាស៊ានមានឈ្មោះក្នុងចំណោមអាកាសយានដ្ឋានល្បីទាំង១០របស់ពិភពលោក
- 2019-03-16 03:46:39
- ចំនួនមតិ 0 | ចំនួនចែករំលែក 0
អាកាសយានដ្ឋានបួនក្នុងប្រទេសអាស៊ានមានឈ្មោះក្នុងចំណោមអាកាសយានដ្ឋានល្បីទាំង១០របស់ពិភពលោក
ចន្លោះមិនឃើញ
អាកាសយានដ្ឋានអន្តរជាតិចំនួនបួនស្ថិតក្នុងប្រទេសជាសមាជិកអាស៊ាន ត្រូវបានគេចាត់ទុកថាជាកន្លែងដែលមានភាពទាក់ទាញ និងទំនើបបំផុតក្នុងចំណោមអាកាសយានដ្ឋានល្បីទាំង១០លើពិភពលោក។
១. អាកាសយានដ្ឋានChangiរបស់សិង្ហបុរី៖ អាកាសយានដ្ឋាននេះបានជាប់ជាអាកាសយានដ្ឋានល្អដាច់គេលើពិភពលោកចំនួនប្រាំមួយឆ្នាំជាប់ៗគ្នាគិតតាំងពីឆ្នាំ២០០៨មក។ អាកាសយានដ្ឋាននេះពោពេញដោយធម្មជាតិ នៅតាមច្រកចេញចូលមានសួនលម្អ ដោយផ្កាឈូករ័ត្ន និងសួនមេអំបៅជាដើម។ ក្រៅពីនេះក៏មានកន្លែងមួយចំនួនទៀតមានរចនាប័ទ្មតាមបែបអាស៊ី និងជាកន្លែងដែលធ្វើឲ្យអ្នកដំណើរមានអារម្មណ៍ធូរស្បើយ ជាមួយបរិយាកាសស្ងប់សុខ។
២. អាកាសយានដ្ឋានអន្តរជាតិKuala Lumpur របស់ម៉ាឡេស៊ី៖ អាកាសយានដ្ឋាននេះបានរៀបចំធ្វើឲ្យអ្នកដំណើរទទួលបាននូវការកម្សាន្ត ពេលកំពុងរង់ចាំជើងហោះហើរបន្ទាប់។ អ្នកដំណើរអាចមើល ទូរទស្សន៍ មានប៉ុស្តិ៍កម្សាន្តល្បី ហើយបើអ្នកដំណើរមិនចង់មើលទូរទស្សន៍អាចប្រើអ៊ីនធឺណេតសម្រាប់ការកម្សាន្តផ្សេងៗដោយមិនគិតថ្លៃ។
៣. អាកាសយានដ្ឋានអន្តរជាតិសុវណ្ណភូមិ របស់ថៃ៖ អាកាសយានដ្ឋាននេះមានលក់ម្ហូប និងទំនិញបែបប្រពៃណី។ អាកាសយានដ្ឋានេះក៏ជាអាកាសយានដ្ឋានធំបំផុតមួយក្នុងចំណោមអាកាសយានដ្ឋានធំៗលើពិភពលោក ដែលបានផ្ដល់ជូនអ្នកដំណើរនូវការហោះហើរដោយរលូន និងកក់ក្ដៅ។
៤. អាកាសយានដ្ឋានអន្តរជាតិ Samui ស្ថិតក្នុងខេត្តSurat Thani ប្រទេសថៃ៖ អាគារអាកាសយានដ្ឋាននេះសង់ឡើងដោយមានប្រើឫស្សី និងប្រកស្លឹក។ ផ្កានៅតាមច្រកចេញចូលធ្វើឲ្យអ្នកដំណើរមានអារម្មណ៍រសាយ បរិយាកាសខាងក្នុងមិនមានប្រើម៉ាស៊ីនត្រជាក់ តែមានខ្យល់ធម្មជាតិបក់ចេញចូល។ អាកាសយានដ្ឋានអន្តរជាតិរបស់ឯកជនមួយនេះ ធ្លាប់បានទទួលរង្វាន់អន្តរជាតិក្នុងការអភិរក្សបរិស្ថានផងដែរ។
សម្រាប់អាកាយានដ្ឋានដែលគេគិតថាឡូយឆើតឆាយចំនួនប្រាំមួយផ្សេងទៀតមានអាកាសយានដ្ឋាន Dubai International Airport នៅអារ៉ាប់រួម McCarran International Airport សហរដ្ឋអាមេរិក Munich Airport នៅអាល្លឺម៉ង់ London Heathrow Airport នៅចក្រភពអង់គ្លេស Incheon International Airport នៅកូរ៉េខាងត្បូង និងHong Kong International Airport៕