- 2019-03-18 01:47:55
- ព័ត៌មាន
ស្លាប់យ៉ាងហោច ៧០នាក់ដោយសារគ្រោះទឹកជំនន់នៅឥណ្ឌូនេស៊ី
- 2019-03-18 01:47:55
- ចំនួនមតិ 0 | ចំនួនចែករំលែក 0
ស្លាប់យ៉ាងហោច ៧០នាក់ដោយសារគ្រោះទឹកជំនន់នៅឥណ្ឌូនេស៊ី
ចន្លោះមិនឃើញ
យ៉ាងហោចណាស់មនុស្ស ៧០នាក់ត្រូវបានសម្លាប់នៅភាគខាងកើតប្រទេសឥណ្ឌូនេស៊ីក្រោយមានគ្រោះទឹកជំនន់ និងការបាក់ដី។
យោងតាមនាយកដ្ឋានគ្រប់គ្រងគ្រោះមហន្តរាយឥណ្ឌូនេស៊ីឲ្យដឹងថា មនុស្ស៧០នាក់បានស្លាប់និង ៦០នាក់ផ្សេងទៀតរងរបួសហើយត្រូវបញ្ជូនទៅកាន់មន្ទីរពេទ្យ។ ហេតុការណ៍នេះ បានកើតឡើងកាលពីល្ងាចថ្ងៃសៅរ៍ដែលមានភ្លៀងធ្លាក់ជោគជាំបណ្ដាលឲ្យមានការបាក់ដី និងគ្រោះទឹកជំនន់នៅខេត្ត Papua។ ផ្លូវជាច្រើន ត្រូវបានបិទដោយសារការបាក់ដី និងដើមឈើដួលរលំ ហើយទឹកជំនន់បង្កឲ្យស្ពានចំនួនពីររងការខូចខាត និងផ្ទះជាង ១០០ខ្នងត្រូវបានបំផ្លិចបំផ្លាញ។
ក្រោយកើតហេតុ ក្រុមការងារកំពុងធ្វើការរុករក និងជួយសង្គ្រោះនៅតាមតំបន់ដែលរងការវាយប្រហារពីគ្រោះធម្មជាតិ ខណៈមនុស្សជាង ៦០នាក់ផ្សេងទៀតត្រូវបានរាយការណ៍ថាកំពុងបាត់ខ្លួននៅឡើយ៕