- 2019-03-20 04:54:30
- ព័ត៌មាន
កត់ថ្ងៃទុក! បបួលគ្នាទៅលេងកន្លែងស្អាតៗនៅវៀតណាម ទាន់មានប្រូម៉ូសិនសំបុត្រយន្តហោះ ០ដុល្លារដ៏កម្រ
- 2019-03-20 04:54:30
- ចំនួនមតិ 0 | ចំនួនចែករំលែក 0
កត់ថ្ងៃទុក! បបួលគ្នាទៅលេងកន្លែងស្អាតៗនៅវៀតណាម ទាន់មានប្រូម៉ូសិនសំបុត្រយន្តហោះ ០ដុល្លារដ៏កម្រ
ចន្លោះមិនឃើញ
នៅថ្ងៃទី ២០ , ២១ ,និង ២២ មីនា ២០១៩ នេះចន្លោះម៉ោង១២ ដល់ម៉ោង២រសៀលប៉ុណ្ណោះ ក្រុមហ៊ុនអាកាសចរណ៍ Vietjet នឹងផ្ដល់សំបុត្រយន្តហោះក្នុងប្រូម៉ូសិនចំនួន ១,៤លានសន្លឹកជាមួយនឹងតម្លៃចាប់ពី ០ (សូន្យ) ដុល្លារអាមេរិក សម្រាប់រាល់ជើងហោះហើរទាំងអស់ក្នុងប្រទេសវៀតណាម តាមរយៈគេហទំព័រ ]www.vietjetair.com។
បច្ចុប្បន្ន ក្រុមហ៊ុនអាកាសចរណ៍មួយនេះ ប្រតិបត្តិជើងហោះហើរត្រង់ប្រចាំថ្ងៃរវាងទីក្រុងសៀមរាប និងទីក្រុងហាណូយ ហើយខាងក្រោមនេះគឺជាតំបន់ទេសចរសំខាន់ៗមួយចំនួនភ្ញៀវទេសចរណ៍ មិនគួររំលង ៖
១. ទស្សនាទីក្រុងហាណូយ ដែលជាបេះដូងរបស់វៀតណាម៖
ហាណូយ គឺជាទីក្រុងមួយដ៏ស្រស់ស្អាតពោរពេញដោយធម្មជាតិបៃតងក្នុងចំណោមទីក្រុងធំៗដែលគួរឲ្យចាប់ចិត្តបំផុតនៅតំបន់អាស៊ីអាគ្នេយ៍។ ទីក្រុងប្រវត្តិសាស្ត្រចម្រុះមួយនេះ លម្អដោយដើមឈើជាជួរ សួនធម្មជាតិ បឹងបុរាណ អគារប្រវត្តិសាស្ត្រ ផ្សារទំនើប ហាងអាហារ និងកន្លែងកម្សាន្តនៅពេលរាត្រីជាច្រើននោះ ប្រាកដកជាកន្លែងដ៏ពិសេសសម្រាប់អ្នកដែលកំពុងស្វែងរកបទពិសោធន៍រំជើបរំជួលថ្មីៗក្នុងជីវិត។
ទីក្រុងហាណូយ បានអភិរក្សកេរិ៍្តដំណែលស្នាដៃស្ថាបត្យកម្ម ដែលបន្សល់ទុកដោយអាណានិគមបារាំងនៅឥណ្ឌូចិន ជាច្រើនកន្លែង ហើយអគារដ៏ស្រស់ស្អាតជាប់ៗគ្នាជាច្រើន នឹងធ្វើឲ្យអ្នករីករាយនឹងការរៀនសូត្រពីប្រវត្តសាស្ត្រា វប្បធម៌ និងអរិយធម៌របស់ជនជាតិវៀតណាម។
ព្រះវិហារ St. Joseph’s Cathedral គឺជាកន្លែងមួយក្នុងចំណោមកន្លែងដែលទាក់ទាញបំផុតក្នុងទីក្រុងនេះ និងជាកន្លែងដ៏មានប្រិយភាពសម្រាប់ភ្ញៀវទេសចរណ៍។ ចាប់តាំងពីបើកឲ្យប្រើប្រាស់ជាផ្លូវការក្នុងឆ្នាំ១៨៨៦ ព្រះវិហារនេះគឺជាមជ្ឈមណ្ឌលនៃសមាគមកាតូលិករបស់វៀតណាម និងមានចម្ងាយមិនឆ្ងាយពីបឹង Hoan Kiem ឡើយ ខណៈដែលទីនោះជាចំណុចប្រវត្តិសាស្ត្រដ៏សំខាន់នៅទីក្រុងហាណូយ និងជាកន្លែងដ៏ល្អឥតខ្ចោះក្នុងការសម្រាកលំហែកាយទីក្រុងនេះ។
២. ធ្វើដំណើរជុំវិញតំបន់ភាគខាងជើងរបស់វៀតណាម៖
ហាណូយ ក៏ជាទីក្រុងដ៏ល្អឥតខ្ចោះ ក្នុងការស្វែងយល់ពីវៀតណាមផងដែរ។ ការធ្វើដំណើរដោយរថយន្តក្រុង ឬរថភ្លើងទៅកាន់តំបន់ភាគជើងនៃរដ្ឋធានីនេះ តាមរយៈការឡើងទៅលើភ្នំជាច្រើននៅតាមខ្សែបន្ទាត់ព្រំដែនជាមួយនឹងប្រទេសចិន នឹងទៅដល់តំបន់ Sapa។ ក្រៅពីមានទេសភាពដ៏អស្ចារ្យនៃវាលស្រែជាច្រើនស្រទាប់ និងកន្លែងផ្តិតយករូបភាពដ៏ស្រស់ស្អាត Sapa គឺជាកន្លែងរបស់ពួកកុលសម្ព័ន្ធជាច្រើន ដែលរស់នៅតាមភ្នំរបស់វៀតណាម។ ការស្នាក់ទីនោះ នឹងផ្តល់ឲ្យភ្ញៀវទេសចរណ៍នូវបទពិសោធន៍រំជើបរំជួល ជាមួយការញ៉ាំអាហារតាមតំបន់ ការស្លៀកពាក់តាមបែបប្រពៃណី និងវប្បធម៌ផ្សេងៗ ដែលធ្វើឲ្យប្រជាជននៅទីនោះមានលក្ខណៈខុសប្លែកពីគេ។
ភ្នំមានកម្ពស់ខ្ពស់ជាងគេបំផុតក្នុងតំបន់ឥណ្ឌូចិន ក៏ស្ថិតនៅតំបន់ Sapa នេះផងដែរ។ ការឡើងភ្នំ Fansipan ដោយថ្មើរជើង ជាមួយនឹងមគ្គុទេសប្រចាំតំបន់នោះ អាចចំណាយពេលដល់ទៅ២ថ្ងៃប្រកបដោយផាសុខភាព។ ប៉ុន្តែ អ្នកដែលមានពេលវេលាតិចតួច អាចជិះទូរខ្សែកាប មើលឃើញទេសភាពដូចគ្នា បានយ៉ាងរហ័ស និងងាយស្រួល។
សម្រាប់ការទស្សនាតាមរ៉ូងភ្នំផ្សេងៗ ប្រាសាទមានអាយុកាលរាប់រយឆ្នាំ និងច្រាំងថ្មដ៏គួរឲ្យទាក់ទាញ ការធ្វើដំណើរទៅកាន់តំបន់ Ninh Binh ភាគខាងត្បូងនៃទីក្រុងហាណូយ តែងតែជាកន្លែងជាទីគាប់ចិត្តធ្វើឲ្យភ្ញៀវទេសចរណ៍បំភ្លេចមិនបាន។
៣. ហោះហើរជាមួយ Vietjet ទៅវៀតណាម ផ្តល់ជូនអ្នកនូវបទពិសោធន៍ពិសេសលើសពីការរំពឹងទុក៖
ភ្ញៀវទេសចរណ៍ នឹងទទួលបានអត្ថប្រយោជន៍ច្រើនបំផុត ពី ប្រូម៉ូសិនដ៏ពិសេសរបស់ Vietjet បើអ្នកជ្រើសរើសធ្វើដំណើរពី ទីក្រុងហាណូយ ទៅកាន់ទីក្រុងភាគខាងត្បូង ហូជីមិញ។ ទីក្រុងដ៏មមាញឹករបស់វៀតណាមមួយនេះ មានការរីកចម្រើនយ៉ាងឆាប់រហ័សក្នុងរយៈពេល៣ ទៅ៤ឆ្នាំចុងក្រោយនេះ ហើយលោកអ្នកអាចធ្វើដំណើរទៅកាន់ទីនោះយ៉ាងងាយស្រួលតាមរយៈជើងហោះហើររបស់ Vietjet ពីទីក្រុងហាណូយ និងបណ្តាញផ្សេងទៀតរបស់ Vietjet ទូទាំងវៀតណាម។
ដំណើរកម្សាន្តរបស់អ្នកទៅហូជីមិញនឹងគ្មានន័យ ប្រសិនបើមិនបានភ្លក្សអាហារដ៏ឈ្ងុយឆ្ងាញ់នៅតាមដងវិថី Banh Mi ទេនោះ។ នំប៉័ងសាច់ដ៏ល្បីរបស់វៀតណាម មានរសជាតិឆ្ងាញ់ពិសេសដោយមានសាច់ជាច្រើនប្រភេទផ្សេងៗគ្នា ហើយអ្នកលក់ម្នាក់ៗសុទ្ធសឹងមានរូបមន្តសម្ងាត់របស់ខ្លួន ប៉ុន្តែ ជាទូទៅ នំប៉័នសាច់ធម្មតា មានសាច់ជ្រូក ស្បែកជ្រូកហាន់ជាចំណិតៗ ប៉ាតេ ម៉ៃយ៉ោណេ ជ្រក់ឆៃថាវ និងការ៉ុត និងត្រសក់ និងជីវ៉ាន់ស៊ុយស្រស់ៗ។
ម្ហូបដ៏ពេញនិយមមួយទៀត គឺ ហ្វឺ ដែលជាអាហារដ៏ល្បីបំផុតរបស់ប្រទេសនេះ ទៅដល់វៀតណាមមិនបានញុំា ហ្វឺ ពិតជាគួរឲ្យស្ដាយខ្លាំងណាស់។ ភោជនីយដ្ឋាន Pho 10 Ly Quoc Su នៅតំបន់ប្រវត្តិសាស្ត្ររបស់ទីក្រុងហាណូយ គឺជាកន្លែងដ៏ល្បីល្បាញ (មានបញ្ជីរាយមុខម្ហូបជាភាសាអង់គ្លេស ស្រួលក្នុងការកុម្ម៉ង់)។ លោកអ្នកអាចភ្លក់រសជាតិគុយទាយស៊ុបថ្មីៗ និងហ្វឺរសជាតិសាច់មាន់ ឬក៏សាច់គោ ដ៏ឈ្ងុយឆ្ងាញ់ រួមជាមួយនឹងការអង្គុយទស្សនាទិដ្ឋភាពដ៏គួរឲ្យចាប់អារម្មណ៍!
Vietjet គឺជាក្រុមហ៊ុនអាកាសចរណ៍ដែលមានសុវត្ថិភាពបំផុតក្នុងតំបន់អាស៊ីប៉ាស៊ីហ្វិក ជាមួយអត្រាដែលអាចជឿជាក់បានលើបច្ចេកទេសដល់ទៅ ៩៩,៦៤% ហើយការប្ដេជ្ញាចិត្តក្នុងការផ្ដល់នូវសុវត្ថិភាពត្រូវបានទទួលស្គាល់ដោយសមាគមដឹកជញ្ជូនផ្លូវអាកាសអន្តរជាតិ (IATA) តាមរយៈការផ្តល់វិញ្ញាបនបត្រសវនាកម្មសុវត្ថិភាពនៃប្រតិបត្តិការ និងការទទួលបានចំណាត់ថ្នាក់ផ្នែកសុវត្ថិភាព ផ្កាយ៧ (ដែលជាចំណាត់ថ្នាក់ខ្ពស់ជាងគេបំផុត) ដោយគេហទំព័រអង្កេតលើក្រុមហ៊ុនអាកាសចរណ៍ AirlineRatings។
ស្របពេលដែល Vietjet មានផ្លូវហោះហើរ១០៨ ដោយគ្របដណ្ដប់លើគោលដៅនានាទូទាំងវៀតណាម និងគោលដៅអន្តរជាតិ អ្នកដំណើរមកពីកម្ពុជា អាចហោះហើរពីទីក្រុងសៀមរាប ទៅកាន់ទីក្រុងហាណូយ បន្ទាប់មក ភ្ជាប់ការធ្វើដំណើរដោយត្រង់ទៅកាន់គោលដៅដ៏ល្បីល្បាញជាច្រើនកន្លែងទូទាំងទ្វីបអាស៊ី ដូចជា ទីក្រុងតូក្យូ អូសាកា សេអ៊ូល ប៉ូសាន សិង្ហបុរី និងតៃប៉ិ។
សម្រាប់ព័ត៌មានបន្ថែមអំពី Vietjet ដើម្បីជួយឲ្យលោកអ្នកធ្វើដំណើរកម្សាន្តនៅវៀតណាម ក្នុងនោះរាប់បញ្ចូលទាំងការទៅទស្សនាកន្លែងប្រវត្តិសាស្ត្រ និងធម្មជាតិជាច្រើននៃទីក្រុងហាណូយ សូមចូលទៅកាន់គេហទំព័រ www.vietjetair.com។
តម្លៃសំបុត្រមិនរាប់បញ្ចូលពន្ធ និងតម្លៃផ្សេងៗឡើយ។ សំបុត្រអាចរកជាវ និងកក់បាននៅលើគេហទំព័រ www.vietjetair.com នៅចន្លោះម៉ោង១២ ដល់ម៉ោង២រសៀល នាថ្ងៃទី២០ ទី២១ និងទី២២ ខែមីនា ២០១៩។ សំបុត្រក្នុងប្រូម៉ូសិននេះ អាចប្រើប្រាស់សម្រាប់រាល់ជើងហោះហើរក្នុងតំបន់ទាំងអស់នៅវៀតណាម។ ការធ្វើដំណើរនឹងចាប់ផ្ដើមនៅ ថ្ងៃទី២១ ឧសភា ២០១៩ ដល់ ទី៣១ ធ្នូ ២០១៩៕