- 2019-03-20 08:59:17
- ព័ត៌មាន
អ្នករស់នៅតំបន់ទាំងនេះត្រៀម EDC នឹងផ្អាកការផ្គត់ផ្គង់អគ្គិសនី៨ម៉ោងនៅថ្ងៃទី២៤
- 2019-03-20 08:59:17
- ចំនួនមតិ 0 | ចំនួនចែករំលែក 0
អ្នករស់នៅតំបន់ទាំងនេះត្រៀម EDC នឹងផ្អាកការផ្គត់ផ្គង់អគ្គិសនី៨ម៉ោងនៅថ្ងៃទី២៤
ចន្លោះមិនឃើញ
អគ្គិសនីកម្ពុជាជូនដឹងថានៅថ្ងៃទី២៤ ខែមីនា ខាងមុខនេះផ្នែកខ្លះក្នុងខណ្ឌមួយចំនួនក្នុងរាជធានីភ្នំពេញ ខេត្តកណ្ដាល និងព្រៃវែងនឹងដាច់ភ្លើងប្រាំបីម៉ោង ដោយហេតុថាមានការរុះរើ ផ្លាស់ប្តូរ ដំឡើងបរិក្ខា និងរើគន្លងខែ្សបណ្ដាញបង្កលក្ខណៈដល់ការពង្រីកផ្លូវ។
ក្នុងសេចក្តីដូនដំណឹងមួយចុះផ្សាយនៅថ្ងៃនេះ អគ្គិសនីកម្ពុជា បានឲ្យដឹងថានៅថ្ងៃទី២៤ ខែមីនា ឆ្នាំ២០១៩ ចាប់ពីម៉ោង៩ព្រឹក ដល់ម៉ោង៥ល្ងាច ខ្លួននឹងផ្អាកការផ្គត់ផ្គង់អគ្គិសនីនៅតំបន់មួយចំនួន។
តំបន់ទាំងនោះមានសង្កាត់ទួលសង្កែទី២ សង្កាត់គីឡូម៉ែត្រលេខ៦ សង្កាត់ឃ្មួញ សង្កាត់គ្រាំងធ្នង់ សង្កាត់សំរោងក្រោម សង្កាត់ត្រពាំងក្រសាំង សង្កាត់គោលរការ និងសង្កាត់កោះដាច់ ក្នុងរាជធានីភ្នំពេញ។
ដោយឡែកសម្រាប់ខេត្តកណ្ដាលវិញមានដាច់នៅតំបន់មួយចំនួនក្នុងស្រុកល្វាឯម ស្រុកខ្សាច់កណ្ដាល និងស្រុកមុខកំពូល និងមានដាច់ផ្នែកខ្លះនៃស្រុកពារាំង ខេត្តព្រៃវែងផងដែរ៕
