- 2019-03-22 01:42:25
- ចរាចរណ៍
ក្រុមហ៊ុនសាងសង់ផ្លូវល្បឿនលឿន ឯកភាពលើសំណើរបស់រាជរដ្ឋាភិបាលមួយចំនួនជាប្រយោជន៍ពលរដ្ឋ
- 2019-03-22 01:42:25
- ចំនួនមតិ 0 | ចំនួនចែករំលែក 0
ក្រុមហ៊ុនសាងសង់ផ្លូវល្បឿនលឿន ឯកភាពលើសំណើរបស់រាជរដ្ឋាភិបាលមួយចំនួនជាប្រយោជន៍ពលរដ្ឋ
ចន្លោះមិនឃើញ
ប្រមុខរាជរដ្ឋាភិបាលសម្តេច ហ៊ុន សែន នៅព្រឹកនេះ បានចូលរួមជាអធិបតីបើកការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ ដែលផ្លូវនេះក្រសួងសាធារណការថាអនុញ្ញាតឲ្យបើកបរក្នុងល្បឿនជាង១០០គីឡូម៉ែត្រក្នុងមួយម៉ោង។
ក្រសួងសាធារណការសេរសេរសារខ្លីលើទំព័រហ្វេប៊ុករបស់ខ្លួននាព្រឹកនេះថាផ្លូវល្បឿនលឿននេះអនុញ្ញាតឲ្យបើកបរក្នុងល្បឿនចន្លោះពី១០០ទៅ១២០គីឡូម៉ែត្រក្នុងមួយម៉ោង។
ចំណែកនៅលើទំព័រហ្វេប៊ុករបស់ សម្ដេច ហ៊ុន សែន វិញនៅព្រឹកនេះសរសេរដែរថាផ្លូវមួយខ្សែនេះចំណាយថវិការសាងសង់ប្រមាណជា២ពាន់លានដុល្លារ មានប្រវែង១៩០គីឡូម៉ែត្រ។
ប្រភពដដែលសរសេរបន្តថា៖ «តាមសំណើរបស់រាជរដ្ឋាភិបាលកម្ពុជា ពេលដាក់ឲ្យដំណើរការនោះ ក្រុមហ៊ុនក៏បានឯកភាពមិនយកថ្លៃយានយន្តគ្រប់ប្រភេទដែលបើកបរលើផ្លូវល្បឿនលឿននេះ ក្នុងរយៈពេល១ខែដំបូង និងបញ្ចុះតម្លៃ២០% សម្រាប់រយៈពេល១ឆ្នាំថែមទៀត។ លើសពីនេះទៀត ក្រុមហ៊ុនបានយល់ព្រមកែសម្រួលកម្រៃសេវាឆ្លងកាត់ក្នុងរយៈពេល ៥ឆ្នាំម្តង នៃប្រតិបតិ្តការអាជីវកម្មរបស់ខ្លួនផងដែរ»។
ប្រភពខាងលើបញ្ជាក់ទៀតថាផ្លូវនេះតភ្ជាប់តពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ។ ផ្លូវនេះឆ្លងកាត់រាជធានីភ្នំពេញប្រវែង ៨,៣០គីឡូម៉ែត្រ ខេត្តកណ្តាល ប្រវែង ៩,១០គីឡូម៉ែត្រ ខេត្តកំពង់ស្ពឺប្រវែង ៨០,៨០គីឡូម៉ែត្រ ខេត្តកោះកុងប្រវែង ១,៩២គីឡូម៉ែត្រ និងខេត្តព្រះសីហនុប្រវែង ៨៩,៨៩គីឡូម៉ែត្រ៕