- 2019-03-23 03:53:36
- ព័ត៌មាន
បើមិនមានវិធានការទាន់ពេលទេ ឆ្នាំ២០២៥ មនុស្សជាតិនឹងខ្វះខាតទឹកកាន់តែខ្លាំង
- 2019-03-23 03:53:36
- ចំនួនមតិ 0 | ចំនួនចែករំលែក 0
បើមិនមានវិធានការទាន់ពេលទេ ឆ្នាំ២០២៥ មនុស្សជាតិនឹងខ្វះខាតទឹកកាន់តែខ្លាំង
ចន្លោះមិនឃើញ
បញ្ហាកង្វះទឹកសម្រាប់ការប្រើប្រាស់របស់មនុស្សជាតិនឹងប្រឈមកាន់តែខ្លាំង បើចំនួនការប្រើប្រាស់នៅតែមានសភាពដូចសព្វថ្ងៃ ហើយមនុស្សជាតិពីរភាគបីនៅលើផែនដី នឹងរស់នៅក្នុងស្ថានភាពខ្វះខាតទឹកនៅឆ្នាំ២០២៥។
វិស័យកសិកម្មត្រូវបានគេមើលឃើញថាប្រើប្រាស់ទឹងរហូតដល់៧០ភាគរយនៃទឹកសាបដែលមាននៅលើពិភពលោក។ បញ្ហាបម្រែបម្រួល អាកាសធាតុក៏ជាផ្នែកមួយនាំឲ្យមានការខ្វះខាតទឹកសម្រាប់មនុស្សជាតិនៅថ្ងៃខាងមុខផងដែរ។
ទឹកដែលយើងទទួលបានពីការហូបអាហារប្រចាំថ្ងៃមានច្រើនជាងទឹកដែលយើងហូបផ្ទាល់ទៅទៀត។ ក្នុងរបបអាហារប្រចាំថ្ងៃយើងត្រូវការទឹកពី២ ០០០លីត្រ ទៅ៥ ០០០ លីត្រ សម្រាប់ផលិតម្ហូប អាហារប្រចាំថ្ងៃសម្រាប់មនុស្សម្នាក់។
ឧទាហរណ៍មួយទៀតដើម្បីផលិតសាច់គោបានមួយគីឡូក្រាមគេត្រូវការប្រើទឹក១៣ ០០០លីត្រ។ ក្នុងន័យនេះ បញ្ជាក់ថាបើយើងខ្ជះខ្ជាយម្ហូបអាហារ គឺដូចជាខ្ជះខ្ជាយទឹកអ៊ីចឹងដែរ។ ក្នុងមួយឆ្នាំៗអាហារដែលលិតបានហើយត្រូវគេបោះចោល ឬមិនទទួលទានមានមួយភាគបីឯណោះ ដែលអាចគិតជាចំនួនទឹកវិញមានរហូតដល់បីដងច្រើនជាងចំនួនទឹកនៅក្នុងបឹង Lake Geneva។ បឹងមានមានចំណុះទឹក៨៩គីឡូម៉ែត្រគូប ឬស្មើនឹង៨៩ ០០០ ០០០ ០០០ម៉ែត្រគូប។
ដើម្បីរួបចំណែកដោះស្រាយបញ្ហាទឹកនេះអ្នកសិក្សាស្នើឲ្យមនុស្សជាតិកែទម្លាប់ចោលអាហារដោយខ្ជះខ្ជាយ មកហូបអាហារដែលនៅសល់ និងទិញទំនិញណាដែលចាំបាច់ប៉ុណ្ណោះ ក្រៅពីវិធានការធំៗផ្សេងទៀត។
ជារួមមកភស្តុតាងបង្ហាញថាមនុស្សពីរភាគបីនៅលើពិភពលោកអាចនឹងរស់នៅក្នុងប្រទេសដែលមានបញ្ហាកង្វះទឹកនៅឆ្នាំ២០២៥ បើសិនជាយើងនៅបន្តប្រើប្រាស់ទឹកតាមរបៀបសព្វថ្ងៃ៕
