ស្វែងយល់ពីប្រពៃណីនៃការចិញ្ចឹមចៀមរបស់អ្នកស្រុកប៉ូឡូញ

2019-03-24 07:14:32
សេដ្ឋកិច្ច

2019-03-24 07:14:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីតំបន់ភ្នំ Low Beskid រហូតដល់ក្រុង Nowy Targ ប្រទេសប៉ូឡូញ អ្នកគង្វាលចៀមនឹងយកសត្វទាំងនោះត្រលប់ទៅឲ្យម្ចាស់ពួកវាមើលថែវិញក្នុងអំឡុងរដូវរងា។

ប្រពៃណីនៃការចិញ្ចឹមរបស់ប្រជាជនប៉ូឡូញ ដែលគេហៅឈ្មោះថា "Redyk" បន្តអស់រាប់សតវត្សមកហើយ។ Redyk ត្រូវបានគេធ្វើឡើង២ដងក្នុង១ឆ្នាំ គឺនៅនិទាឃៈរដូវ និង ចុងឆ្នាំ។

នៅក្នុងរូបភាពដែល អ្នកថតរូបជនជាតិប៉ូឡូញលោក Bartlomiej Jurecki បានឈ្នះពានរង្វាន់ពី National Geographic នៅពេលលោកថតក្បួនចៀមប្រមាណ ១ ៩០០ ក្បាល ធ្វើមាតុភូមិនិវត្តដោយថ្មើរជើងលើផ្នូវថ្នល់ពីតំបន់ភ្នំត្រលប់ទៅកាន់ក្រុង Nowy Targ ចម្ងាយជាង១៦០គីឡូម៉ែត្រ។

Jurecki បាននិយាយថា តាមប្រពៃណី អ្នកគង្វាលបានថ្លៃឈ្នួលពីម្ចាស់ចៀមសម្រាប់ការមើលថែនិងយកទឹកដោះចៀមអំឡុងរដូវក្តៅ។

លោកបន្តថា វាកើតឡើងញឹកញាប់នៅពេលដែលហ្វូងចៀមឆ្លងកាត់តាមផ្លូវនៅជាយក្រុងនានាហើយចរាចរណ៍ត្រូវបានរារាំងទាំងស្រុង។ រថយន្តនឹងកកកុញកណ្ដាលផ្លូវលុះត្រាតែចៀមឆ្លងកាត់អស់។

អ្នកគង្វាលថែរក្សាហ្វូងសត្វនៅអំឡុងរដូវក្តៅ។ នៅពេលដែលការចិញ្ចឹមចៀមតាមបែបប្រពៃណីដែលគេហៅថា Redyk ត្រូវបានបញ្ចប់ សត្វទាំងនោះត្រូវប្រគល់ទៅឲ្យម្ចាស់ពួកវាវិញដើម្បីផ្តល់ជម្រកនៅរដូវរងា។

Jurecki បន្ថែមថា អ្នកគង្វាលពោរពេញទៅដោយសមត្ថភាពដែលអាចរៀបចំក្បួនសត្វចិញ្ចឹមរាប់ពាន់ក្បាលទាំងនោះធ្វើព្យុហយាត្រាលើចម្ងាយផ្លូវរាប់រយគីឡូម៉ែត្រដោយគ្មានឧបសគ្គ៕

ប្រភព៖ Boredpanda ប្រែសម្រួល៖ សុខ លាងហ៊ត