- 2019-03-26 03:00:41
- ព័ត៌មាន
ស្ថាបនិកអាកាសចរឥណ្ឌា Jet Airways ចុះចេញពីតំណែងក្រោយជំពាក់បំណុលវ័ណ្ឌក
- 2019-03-26 03:00:41
- ចំនួនមតិ 0 | ចំនួនចែករំលែក 0
ស្ថាបនិកអាកាសចរឥណ្ឌា Jet Airways ចុះចេញពីតំណែងក្រោយជំពាក់បំណុលវ័ណ្ឌក
ចន្លោះមិនឃើញ
ស្ថាបនិកអាកាសចរឥណ្ឌា Jet Airways បានដាក់ពាក្យលាលែងពីតំណែងជាប្រធានក្រុមហ៊ុនហើយក្រោយបំណុលកាន់តែកើនឡើងឥតឈប់ឈរ។
ការលាលែងរបស់លោក Naresh Goyal ជាស្ថាបនិកក្រុមហ៊ុនអាកាសចរឯកជនឥណ្ឌាចំណាស់ជាងគេ ទំនងជាការត្រួសត្រាយផ្លូវសម្រាប់វិនិយោគិនដែលមានសក្ដានុពលដើម្បីជួយសង្គ្រោះក្រុមហ៊ុនមួយនេះ។ បំណុលរបស់ក្រុមហ៊ុន បានកើនឡើងដល់ជាង ១ប៊ីលានដុល្លារដែលបង្ខំឲ្យលុបចោលជើងហោះហើរជាច្រើនដោយសារមិនមានលុយសម្រាប់បង់ឲ្យបុគ្គលិក។
ការលប់ចោលជើងហោះហើរជាច្រើន បានបង្កឲ្យមានផលប៉ះពាល់ដល់អ្នកដំណើរអន្ដរជាតិ ក៏ដូចជាអ្នកដំណើរក្នុងស្រុក។ ប៉ុន្តែក្រោយការប្រកាសលាលែងរបស់លោក Goyal កាលពីថ្ងៃចន្ទ បានធ្វើឲ្យភាគហ៊ុនហក់ឡើង ១២%វិញ ខណៈដែលធនាគារនឹងឲ្យខ្ចីលុយ ២១០លានដុល្លារបន្ថែមដើម្បីដំណើរការក្រុមហ៊ុនបន្ដទៅមុខទៀត មុនពេលដែលភាគហ៊ុនត្រូវបានលក់ទៅឲ្យអ្នកវិនិយោគថ្មី។
ជាមួយគ្នាដែរ ខាងធនាគារនឹងកាត់កងបំណុលខ្លះតាមរយៈការដកយកភាគហ៊ុនរបស់លោក Goyal ដែលមាន ៥២% ក្នុងក្រុមហ៊ុនទាំងមូល ប៉ុន្តែភាគរយសរុបដែលនឹងដកពីស្ថាបនិករូបនេះ មិនទាន់ត្រូវបានគេដឹងនៅឡើយទេ៕
