- 2019-03-30 03:07:17
- ព័ត៌មាន
បួនគម្រោងក្រោមជំនួយរបស់ជប៉ុន ធ្វើឲ្យពលរដ្ឋខ្មែររីកមុខរីកមាត់
- 2019-03-30 03:07:17
- ចំនួនមតិ 0 | ចំនួនចែករំលែក 0
បួនគម្រោងក្រោមជំនួយរបស់ជប៉ុន ធ្វើឲ្យពលរដ្ឋខ្មែររីកមុខរីកមាត់
ចន្លោះមិនឃើញ
ជំនួយរបស់ជប៉ុនលើគម្រោងចំនួនបួនបានធ្វើឲ្យកសិករ និងពលរដ្ឋកម្ពុជាទទួលផលច្រើនតាមយៈការបង្កើនទិន្នផល និងការទទួលបានសេវាកាន់តែប្រសើរ។
នៅក្នុងស្រុកកណ្ដៀង ខេត្តពោធិ៍សាត់ គម្រោងស្ដារឡើងវិញប្រព័ន្ធធារាសាស្រ្តកណ្ដៀង មិនត្រឹមតែបានទទួលការគាំទ្រលើការសាងសង់ពីជប៉ុនប៉ុណ្ណោះទេ តែថែមទាំងបានទទួលកាគាំទ្រលើផ្នែកបច្ចេកទេសផងដែរ។
ប្រព័ន្ធធារាសាស្រ្តនេះបានបញ្ចប់ការសាង់សង់នៅឆ្នាំ២០១៨ មានប្រឡាយមេប្រវែង២ ១៣០ម៉ែត្រ អាចស្រោចស្រពលើផ្ទីដីកសិកម្មចំនួន៤៨០នហិតា ដែលជាប្រភពទឹកជួយកសិករផលិតស្រូវបានពីរដងក្នុងមួយឆ្នាំ និងទទួកបានទិន្នផលប្រហែលជា៣,៥តោនក្នុងមួយហិកតា។
សម្រាប់គម្រោងទីពីរគឺគម្រោងកែលម្អមន្ទីរពេទ្យបង្អែកខេត្តបាត់ដំបង គម្រោងនេះមានការសាងសងអគារមន្ទីរទេព្យថ្មីមួយក្នុងតម្លៃជាង១០លានដុល្លារ ហើយបច្ចុប្បន្នសាងសង់រួចរាល់ប្រមាណជា៤០ភាគរយហើយ និងគ្រោងបញ្ចប់នៅខែធ្នូ ឆ្នាំ២០១៩ ខាងមុខ។
គម្រោងនេះរំពឹថាងនឹងជួយពង្រឹងប្រព័ន្ធសុខាភិបាលក្នុងខេត្តបាត់ដំបងដោយអាចផ្តល់នូវសេវាកាន់តែប្រសើរ និងទទួលអ្នកជំងឺបានកាន់តែច្រើន។
គម្រោងមួយទៀតគម្រោងកែលម្អឧបករណ៍សម្រាប់សកម្មភាពបោសសម្អាតមីនក្នុងខេត្តបាត់ដំបង។ តាមរយៈជំនួយឥតំណងរបស់ជប៉ុននេះ នឹងលើកកម្ពស់សកម្មភាពកម្ចាត់មីនក្នុងខេត្តមួយនេះឲ្យកាន់តែប្រសើរឡើងថែមទៀត។
ចាប់ពីឆ្នាំ១៩៩២ ដល់ឆ្នាំ២០១៨ ក្រុមការងារស៊ីម៉ាក់ខេត្តនេះបានរំដោះដីមានមីន១ ៨០២ គីឡូម៉ែត្រការ៉េ និងបានកម្ទេចចោលមីនចំនួន ៣ ៨៥៤ ៥១៣ គ្រាប់ ព្រមទាំងបានធ្វើឲ្យជនរងគ្រោះដោយសារមីនធ្លាក់ចុះពី៤ ៣២០នាក់នៅឆ្នាំ១៩៩៦ មកត្រឹម៥៨នាក់ក្នុងឆ្នាំ២០០៨។
ចំណែកគម្រោងទីបួនគឺគម្រោងពង្រីកប្រព័ន្ធទឹកស្អានខេត្តកំពត ដែលនឹងត្រូវសម្ពោធដាក់ឲ្យប្រាស់នៅថ្ងៃទី២ ខែមេសា ខាងមុខនេះ។
គម្រោងមួយនេះ បង្កើតការផ្គត់ផ្គង់ទឹកពី៤៧ភាគរយ ក្នុងឆ្នាំ ២០១៣ ដល់ទៅ៩២ភាគរយក្នុងឆ្នាំ២០២១ សម្រាប់អ្នកក្រុងកំពត ដែលចំណាយទឹកប្រាក់ជិត៣០លានដុល្លារអាមេរិក។ ជប៉ុនក៏បានផ្តល់ឧបករណ៍៩០០ឈុត សម្រាប់ភ្ជាប់បណ្ដាយទឹកស្អាតនេះដល់ប្រជាពលរដ្ឋក្រីក្រផងដែរ។
បើនិយាយដល់ជំនួយរបស់ជប៉ុនគិតចាប់ពីឆ្នាំ១៩៩១ មកដល់បច្ចុប្បន្នមានជិត៤ពាន់លានដុល្លារអាមេរិកក្នុងក្របខណ្ឌជំនួញអភិវឌ្ឍន៍ផ្លូវការរបស់ជប៉ុន៕