- 2019-04-01 07:10:20
- ព័ត៌មាន
គួរឲ្យភ្ញាក់ផ្អើល! ស្រីលង្កា សាកល្បងបង្កើតភ្លៀងសិប្បនិម្មិតបានយ៉ាងជោគជ័យ
- 2019-04-01 07:10:20
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! ស្រីលង្កា សាកល្បងបង្កើតភ្លៀងសិប្បនិម្មិតបានយ៉ាងជោគជ័យ
ចន្លោះមិនឃើញ
ប្រទេសស្រីលង្កា បានទទួលជោគជ័យក្នុងការសាកល្បងបង្កើតភ្លៀងសិប្បនិម្មិតលើកដំបូងបង្អស់ក្នុងប្រទេសដែលធ្វើឲ្យមានភ្លៀងធ្លាក់ប្រមាណជា ៤៥នាទីកាលពីថ្ងៃទី ២២ខែមីនាកន្លងទៅ។
ការសាកល្បងនេះ ត្រូវបានធ្វើឡើងពីលើអាងស្ដុកទឹក Maussakele ដោយប្រើប្រាស់យន្ដហោះកងទ័ពប្រភេទ Y12 ដើម្បីបាចសារធាតុគីមីទៅក្នុងពពកនៅរយៈកម្ពស់ជិត ២,៥គីឡូម៉ែត្រពីលើអាងស្ដុកទឹក។ យោងតាមរបាយការណ៍របស់ក្រសួងឲ្យដឹងថា គម្រោងនេះត្រូវបានធ្វើឡើងដើម្បីបង្កើតភ្លៀងសិប្បនិមិ្មតក្នុងរដូវក្ដៅ និងស្ងួតដោយមានការជ្រោមជ្រែងពីក្រុមការងារពិសេសរបស់ប្រទេសថៃ។
គួរឲ្យដឹងថា ក្នុងអំឡុងរដូវរាំងស្ងួតក្នុងប្រទេសស្រីលង្កា ការផលិតអគ្គិសនីមានការធ្លាក់ចុះដោយសារមិនមានទឹកគ្រប់គ្រាន់ដែលជាហេតុធ្វើឲ្យមានការទិញអគ្គិសនីពីក្រុមហ៊ុនឯកជនសម្រាប់ផ្គត់ផ្គង់តម្រូវការប្រើប្រាស់ ដូច្នេះរដ្ឋាភិបាលសម្រេចចេញគម្រោងបង្កើតភ្លៀងសិប្បនិម្មិតដើម្បីដោះស្រាយបញ្ហានេះ៕