- 2019-04-01 08:59:44
- ព័ត៌មាន
គួរឲ្យសរសើរ! ទឹកចិត្តក្មេងប្រុសម្នាក់ តស៊ូអៀវមិត្តភក្ដិពិការទៅរៀនរាល់ថ្ងៃអស់ពេល ៦ឆ្នាំ (មានវីដេអូ)
- 2019-04-01 08:59:44
- ចំនួនមតិ 0 | ចំនួនចែករំលែក 0
គួរឲ្យសរសើរ! ទឹកចិត្តក្មេងប្រុសម្នាក់ តស៊ូអៀវមិត្តភក្ដិពិការទៅរៀនរាល់ថ្ងៃអស់ពេល ៦ឆ្នាំ (មានវីដេអូ)
ចន្លោះមិនឃើញ
ក្មេងប្រុសពិការម្នាក់ ត្រូវបានមិត្តភក្ដិអៀវទៅរៀនជារៀងរាល់ថ្ងៃអស់រយៈពេល ៦ឆ្នាំដោយមិនត្អូញត្អែរបើទោះជាថ្ងៃខ្លះក្ដៅខ្លាំង ឬមានភ្លៀងធ្លាក់ក៏ដោយ។
ក្មេងប្រុសវ័យ ១២ឆ្នាំឈ្មោះ Xu Bingyang បានអៀវមិត្តភក្ដិដែលពិការរបស់ខ្លួនឈ្មោះ Zhang Ze ទៅរៀនជារៀងរាល់ថ្ងៃមិនដែលខាន ហើយថែមទាំងជួយបញ្ចុកអាហារថ្ងៃត្រង់ និងអៀវពីថ្នាក់មួយទៅថ្នាក់មួយទៀតសម្រាប់មុខវិជ្ជាផ្សេងគ្នាផងដែរ។ ក្មេងប្រុសទាំងពីរនាក់ រស់នៅទីក្រុង Meishan នៃខេត្តស៊ីឈាន់ ហើយមិត្តភាពរបស់ពួកគេត្រូវបានចុះផ្សាយដោយ Chinese News Outles កាលពីដើមខែមុន។
ក្មេងប្រុស Xu ដែលមានកម្ពស់ខ្ពស់ជាង និងខ្លាំងជាងបានប្រាប់អ្នកសារព័ត៌មានថា "ខ្ញុំមានទម្ងន់ជាង ៤០គីឡូ ហើយពួកម៉ាករបស់ខ្ញុំ (Zhang Ze) មានទម្ងន់ត្រឹម ២៥គីឡូប៉ុណ្ណោះដូច្នេះវាមិនពិបាកក្នុងការអៀវគេនោះទេ ហើយខ្ញុំសប្បាយចិត្តនឹងធ្វើវា។” ចំណែកឯក្មេងប្រុសពិបាក Zhang Ze វិញឲ្យដឹងដែរថា "Xu Bingyang គឺជាមិត្តភក្ដិដ៏ល្អរបស់ខ្ញុំ ពួកយើងរៀនជាមួយគ្នា, និយាយគ្នា និងលេងជាមួយគ្នារាល់ថ្ងៃ។ ខ្ញុំអរគុណគេដែលតែងតែមើលថែខ្ញុំជារៀងរាល់ថ្ងៃ។”
គួរឲ្យដឹងថា ក្មេងប្រុស Zhang ត្រូវបានធ្វើរោគវិនិច្ឆ័យថាមានជំងឺទាក់ទងនឹងបញ្ហាសាច់ដុំដ៏កម្រ ដែលជាហេតុធ្វើឲ្យគេមិនអាចដើរបាន ប៉ុន្តែជាសំណាងល្អដែលមានមិត្តភក្ដិស្មោះស្ម័គ្រដូចជា Xu ដែលបានជួយគេរហូតមក៕
សូមទស្សនាវីដេអូខាងក្រោម ៖