- 2019-04-02 02:19:43
- ព័ត៌មាន
ញាក់សាច់! យន្ដហោះរុស្ស៊ី ហោះកាត់តំបន់ ៥១និងមូលដ្ឋានទ័ពអាមេរិក
- 2019-04-02 02:19:43
- ចំនួនមតិ 0 | ចំនួនចែករំលែក 0
ញាក់សាច់! យន្ដហោះរុស្ស៊ី ហោះកាត់តំបន់ ៥១និងមូលដ្ឋានទ័ពអាមេរិក
ចន្លោះមិនឃើញ
យន្ដហោះមួយគ្រឿងរបស់រុស្ស៊ីប្រភេត Tu-154M បានធ្វើការហោះហើរឆ្លងកាត់តំបន់ ៥១របស់អាមេរិកដែលស្ថិតនៅភាគខាងត្បូងនៃរដ្ឋ Nevada។
យោងតាមរបាយការណ៍របស់ The Drive ឲ្យដឹងថា កាលពីសប្ដាហ៍មុនយន្ដហោះ Tu-154M ត្រូវគេថតបានថាហោះពីលើមូលដ្ឋានទ័ពរបស់អាមេរិកជាច្រើនកន្លែងនៅភាគខាងលិច។ ការហោះហើរនេះ ត្រូវបានចាត់ទុកថាជាអំពើស្របច្បាប់ក្រោមសន្ធិសញ្ញាអាកាសបើកចំហដែលអនុញ្ញាតឲ្យប្រទេសដែលព្រមព្រៀងអាចសង្កេតមើលគ្នាទៅវិញទៅមកដើម្បីប្រមូលព័ត៌មានពីកម្លាំងយោធា និងសកម្មភាពផ្សេងៗ។
ការហោះហើរនេះ ត្រូវបានធ្វើឡើងកាលពីថ្ងៃព្រហស្បតិ៍ទី ២៨ខែមីនាកន្លងទៅដែលចាប់ផ្ដើមចេញពីមូលដ្ឋានទ័ពអាកាស Travis នៅភាគខាងជើងរដ្ឋកាលីហ្វរញ៉ា។ បន្ទាប់មកយន្ដហោះ បានឆ្ពោះទៅកាន់មូលដ្ឋានទ័ពអាកាស Edwards, Fort Irwin និង Creech Air Force។ ក្រៅពីនេះ យន្ដហោះរុស្ស៊ីក៏បានហោះពីលើ Yucca Flat ដែលជាកន្លែងធ្វើតេស្ដសាកល្បងនុយក្លេអ៊ែររបស់អាមេរិកផងដែរ។
គួរឲ្យដឹងថា សន្ធិសញ្ញាអាកាសបើកចំហរ ត្រូវបានចូលជាធរមានកាលពីថ្ងៃទី ១មករាឆ្នាំ ២០០២ដែលមានភាគីព្រមព្រៀងចំនួន ៣៤។ យ៉ាងណាមិញ សហរដ្ឋអាមេរិកធ្លាប់បានចោទប្រកាន់រុស្ស៊ីដោយសារមិនអនុញ្ញាតឲ្យប្រទេសជាសមាជិកទាំងអស់ហោះពីលើប្រទេសរបស់ខ្លួន៕
