- 2019-04-04 06:28:46
- ព័ត៌មាន
បុគ្គលិកជប៉ុនភាគច្រើន បង្ហាញការមិនសប្បាយចិត្តក្រោយទទួលថ្ងៃឈប់សម្រាកបន្ថែម
- 2019-04-04 06:28:46
- ចំនួនមតិ 0 | ចំនួនចែករំលែក 0
បុគ្គលិកជប៉ុនភាគច្រើន បង្ហាញការមិនសប្បាយចិត្តក្រោយទទួលថ្ងៃឈប់សម្រាកបន្ថែម
ចន្លោះមិនឃើញ
ខណៈពេលដែលប្រជាជនភាគច្រើនជុំវិញពិភពលោកសប្បាយរីករាយនឹងអបអរសាទរថ្ងៃឈប់សម្រាក ប្រជាជនជប៉ុនមួយចំនួនសម្ដែងការមិនសប្បាយចិត្តក្រោយទទួលបានថ្ងៃឈប់សម្រាកបន្ថែមរយៈពេល ១០ថ្ងៃក្នុងពិធីឡើងគ្រងរាជរបស់ព្រះចៅអធិរាជថ្មី។
រដ្ឋសភាជប៉ុនបានយល់ព្រមឲ្យឈប់សម្រាករយៈពេល ១០ថ្ងៃបន្ថែមចាប់ពីថ្ងៃទី ២៧ខែមេសាដើម្បីអបអរព្រះចៅអធិរាជ Naruhito ដែលនឹងឡើងស្នងរាជ។ ថ្ងៃឈប់សម្រាកបន្ថែមនេះ នឹងរួមបញ្ចូលជាមួយបុណ្យជាតិមួយទៀតឈ្មោះថា "Golden Week” ដែលមានន័យថាប្រជាជននឹងឈប់សម្រាករហូតដល់ថ្ងៃទី ៦ខែឧសភា។ យ៉ាងណាមិញ ប្រជាជនមួយចំនួនបានសម្ដែងការព្រួយបារម្ភដោយសារមិនដឹងថានឹងចំណាយពេលឈប់សម្រាកនេះនៅកន្លែងណា ក៏ដូចជាមិនមានអ្នកមើលថែកូន។
យោងតាមការស្ទង់មតិមួយធ្វើឡើងដោយកាសែត Asahi Shimbun បង្ហាញថាប្រជាជនជប៉ុនប្រមាណ ៤៥% មានអារម្មណ៍មិនសប្បាយចិត្តចំពោះការឈប់សម្រាករយៈពេលយូរ ធៀបនឹងប្រជាជនប្រមាណ ៣៥%ប៉ុណ្ណោះដែលសម្ដែងការពេញចិត្ត។ ពាក់ព័ន្ធនឹងបញ្ហានេះ លោក Seishu Sato បុគ្គលិកផ្នែកហិរញ្ញវត្ថុវ័យ ៣១ឆ្នាំត្អូញត្អែរថា "និយាយឲ្យស្មោះត្រង់ទៅ ខ្ញុំមិនដឹងថានឹងចំណាយពេលវេលាធ្វើអ្វីនោះទេ នៅពេលដែលយើងទទួលបានថ្ងៃឈប់សម្រាករយៈពេល ១០ថ្ងៃដូចនេះ។ ប្រសិនបើអ្នកចង់ធ្វើដំណើរកម្សាន្ដ គ្រប់កន្លែងទាំងអស់នឹងមានមនុស្សច្រើនកុះករ ហើយការធ្វើដំណើរក៏ឡើងថ្លៃថែមទៀត... ខ្ញុំប្រហែលជាមិនទៅណាទេហើយស្នាក់នៅផ្ទះប៉ាម៉ាក់របស់ខ្ញុំវិញ។”
គួរឲ្យដឹងថា ប្រជាជនជប៉ុនភាគច្រើនមិនចង់ឲ្យមានថ្ងៃឈប់សម្រាកនោះទេ ដោយសារពួកគេត្រូវប្រឈមមុខធ្វើកិច្ចការងារផ្ទះផ្សេងៗដែលបន្សល់ទុកដោយឪពុកម្ដាយ និងកូនៗរបស់ពួកគេ៕