- 2019-04-04 07:56:25
- ព័ត៌មាន
រន្ធត់ចិត្ត! ប៉ូលិសម្នាក់ខំឈរសម្រួលចរាចរ បែរត្រូវរថយន្ដមួយគ្រឿងបុកស្ដែងៗ (មានវីដេអូ)
- 2019-04-04 07:56:25
- ចំនួនមតិ 0 | ចំនួនចែករំលែក 0
រន្ធត់ចិត្ត! ប៉ូលិសម្នាក់ខំឈរសម្រួលចរាចរ បែរត្រូវរថយន្ដមួយគ្រឿងបុកស្ដែងៗ (មានវីដេអូ)
ចន្លោះមិនឃើញ
ប៉ូលិសម្នាក់ត្រូវបានរថតយន្ដមួយគ្រឿងបើកបុកស្ដែងៗ ខណៈពេលដែលលោកកំពុងឈរសម្រួលចរាចរនៅក្នុងទីក្រុងកូឡាឡាំពួប្រទេសម៉ាឡេស៊ី។
យោងតាម Asiaone ឲ្យដឹងថាហេតុការណ៍នេះកើតឡើងកាលពីវេលាម៉ោង ៨:១១នាទីព្រឹកថ្ងៃអង្គារនៅត្រង់ចំណុចប្រសព្វនៃផ្លូវ Jalan Raja Laut ដែលជាតំបន់មានចរាចរមមាញឹក។ មុនពេលកើតហេតុគេឃើញប៉ូលិសរងគ្រោះ កំពុងឈរសម្រួលចរាចរនៅលើដងផ្លូវក្បែរតំបន់ទេសចរ Dataran Merdeka ក៏ស្រាប់តែមានរថយន្ដទំនើបមួយបុករូបលោកបណ្ដាលឲ្យប៉ើងពីរបីម៉ែត្រតែម្ដង។
យ៉ាងណាមិញ ប្រធានផ្នែកស៊ើបអង្កេតចរាចរទីក្រុងលោក Zulkerfly Yahya ថ្លែងថាជាសំណាងល្អប៉ូលិសរូបនោះ រងរបួសស្រាលប៉ុណ្ណោះហើយត្រូវបានបញ្ជូនទៅមន្ទីរពេទ្យ Kuala Lumpu សម្រាប់ការព្យាបាល។ ចំណែកឯជនល្មើសត្រូវបានគេស្គាល់ថាជានិស្សិតមានវ័យ ២៥ កំពុងសិក្សានៅសកលវិទ្យាល័យឯកជនមួយ ហើយក្រោយកើតហេតុរូបគេត្រូវបញ្ជូនទៅកាន់ប៉ុស្តិ៍ប៉ូលិសក្បែរនោះដើម្បីស៊ើបអង្កេតបន្ដ៕
សូមទស្សនាវីដេអូខាងក្រោម ៖
