• 2019-04-05 09:29:11
  • ចរាចរណ៍

ប្រយ័ត្នមិនបានជិះឡានក្រុងរដ្ឋ ១២០គ្រឿង Free បើធ្វើខុសគោលការណ៍២នេះ

  • 2019-04-05 09:29:11
  • ចំនួនមតិ 0 | ចំនួនចែករំលែក 0

ចន្លោះមិនឃើញ

សម្តេច​តេជោ ហ៊ុន សែន ​នាយករដ្ឋមន្រ្តី​នៃកម្ពុជា ​បាន​ប្រកាស​ជូនដំណឹង​ថា​ ចាប់ពីថ្ងៃទី ១២-១៨ ខែ មេសា​ ឆ្នាំ២០១៩ (រយៈពេល ៧ថ្ងៃ) គឺ​សាលារាជធានីភ្នំពេញ បានត្រៀមរថយន្តក្រុង ១២០ គ្រឿង​សម្រាប់ឲ្យបងប្អូនប្រជាពលរដ្ឋ និងកូនក្មួយកម្មករកម្មការនីជិះធ្វើដំណើរពីរាជធានីភ្នំពេញទៅតាមបណ្តាលខេត្តនានា និងពីតាមបណ្តាខេត្តមកកាន់​ភ្នំពេញវិញ ដោយមិនគិតថ្លៃ (Free) នៅក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះ។​

យ៉ាងណាមិញ ដើម្បីកុំឲ្យខាតជើងធ្វើដំណើរ សូមបងប្អូនទៅកាន់ចំណតមុនម៉ោង ហើយសូមកុំយកអីវ៉ាន់សំពីងសពោងតាមខ្លួនច្រើនពេក ព្រោះធ្វើឲ្យចង្អៀត និងមិនមានកន្លែងអង្គុយគ្រប់គ្រាន់សម្រាប់អ្នកដទៃ។

រថយន្តទាំងអស់នឹងចេញដំណើរតាមផ្លូវជាតិសំខាន់ៗមួយចំនួនដូចជាៈ ផ្លូវជាតិលេខ ១, ផ្លូវជាតិលេខ២ ,ផ្លូវជាតិ៣, ផ្លូវជាតិលេខ៤, ផ្លូវជាតិលេខ៥, ផ្លូវជាតិលេខ៦, ផ្លូវជាតិលេខ៧ និងផ្លូវជាតិលេខ៨ ដែលនឹងចាប់ផ្តើមចេញដំណើរនៅថ្ងៃទី១២ ខែមេសា ខាងមុខនេះ។

ផ្លូវជាតិលេខ១ (ភ្នំពេញ-កណ្តាល-ស្វាយរៀង) ចំនួន ៥គ្រឿង និង (ភ្នំពេញ-កណ្តាល-ព្រៃវែង) ចំនួន៥គ្រឿង សរុប ១០គ្រឿង។

ផ្លូវជាតិលេខ២ (ភ្នំពេញ-តាកែវ) ចំនួន ៥គ្រឿង។

ផ្លូវជាតិលេខ៣ (ភ្នំពេញ-កែប) ចំនួន ៥គ្រឿង និង(ភ្នំពេញ-កំពត) ចំនួន៥គ្រឿង សរុបចំនួន ១០គ្រឿង។

ផ្លូវជាតិលេខ៤ (ភ្នំពេញ-កំពង់ស្ពឺ) ចំនួន៣គ្រឿង និង (ភ្នំពេញ-ក្រុងព្រះសីហនុ) ចំនួន៧គ្រឿង សរុប ១០គ្រឿង។

ផ្លូវជាតិលខេ៥ (ភ្នំពេញ-ខេត្តកំពង់ឆ្នាំង) ចំនួន ៥ គ្រឿង , (ភ្នំពេញ-ពោធិសាត់) ចំនួន១០គ្រឿង, (ភ្នំពេញ-បាត់ដំបង) ចំនួន ១៥គ្រឿង និង (ភ្នំពេញ-បន្ទាយមានជ័យ) ចំនួន ១៥គ្រឿង សរុប ៤៥គ្រឿង។

ផ្លូវជាតិលេខ៦ (ភ្នំពេញ-កំពង់ធំ) ចំនួន ៥គ្រឿង , (ភ្នំពេញ-សៀមរាប) ចំនួន ១៥គ្រឿង សរុប ២០គ្រឿង។

ផ្លូវជាតិលេខ៦ និងលេខ៧ (ភ្នំពេញ-កំពង់ចាម) ចំនួន៥គ្រឿង (ភ្នំពេញ-ខេត្តត្បូងឃ្មុំ) ចំនួន ៥គ្រឿង សរុប ១០ គ្រឿង។

ផ្លូវជាតិលេខ ៦ និងលេខ៨ (ភ្នំពេញ-ក្រចេះ)ចំនួន ៥គ្រឿង និង(ភ្នំពេញ-ស្ទឹងត្រែង) ចំនួន៥គ្រឿង សរុប ១០គ្រឿង។

ដោយឡែកចំពោះនៅទីក្រុងភ្នំពេញវិញ គឺបងប្អូនប្រជាពលរដ្ឋ និងកូនក្មួយជិះរថយន្តក្រុងដោយមិនគិតថ្លៃក្នុងរយៈពេល ៧ ថ្ងៃ គឺចាប់ពីថ្ងៃទី ១២-១៨ ខែមេសា ឆ្នាំ២០១៩ គឺមានទាំងសេវារថយន្តក្រុង និងសេវាដឹកជញ្ជូនតាមកាណូត។

រូបភាពរដ្ឋបាលរាជធានីភ្នំពេញ

មតិយោបល់
អត្ថបទពេញនិយម