- 2019-04-06 09:30:00
- ព័ត៌មាន
ភេសជ្ជៈខ្មែរស្រុកស្រែចម្ការក្មេងទីក្រុងមួយចំនួនប្រហែលមិនធ្លាប់បានភ្លក់ទេ
- 2019-04-06 09:30:00
- ចំនួនមតិ 0 | ចំនួនចែករំលែក 0
ភេសជ្ជៈខ្មែរស្រុកស្រែចម្ការក្មេងទីក្រុងមួយចំនួនប្រហែលមិនធ្លាប់បានភ្លក់ទេ
ចន្លោះមិនឃើញ
មករកទឹកត្នោតខ្មែរញ៉ាំឲ្យហើយ ខណៈបុណ្យភូមិនៅសល់រយៈពេលតែស្អែកមួយថ្ងៃទៀតទេ។ ចប់បុណ្យភូមិ ប្រហែលជាលំបាករកទិញញ៉ាំបន្តិចហើយ សម្រាប់អ្នកភ្នំពេញ។ ទឹកត្នោតអ្នកបាទី ខេត្តតាកែវ និងឧដុង្គ កំពង់ស្ពឺ រក្សារស់ជាតិដើម។ នេះជាវាចាអ្នកលក់ទឹកត្នោតផ្អែម កញ្ញា គង់ សុវណ្ណស្រីឈូក។ ស្រីឈូកតែងយកទឹកត្នោតមកលក់ជូនអ្នកមកលេងបុណ្យភូមិជារៀងរាល់ឆ្នាំ។មិនតែប៉ុណ្ណោះនាងមានបំណងចង់លក់នៅលើ Online ផង ព្រោះនាងចូលចិត្ត និងចង់ជួយបង្កើតទីផ្សារជូនពលរដ្ឋអ្នកឡើងត្នោត ខណៈរបរនេះកាន់តែហោចទៅៗ។
ត្បិតថា ទឹកត្នោតច្រកក្នុងកំប៉ុងប្លាស្ទិក ក្លាសេទឹកកក ទឹកត្នោតមិនសូវឈ្ងុយ ផ្អែមត្រជាក់ ដូចបំពង់ឫស្សីអប់ ប៉ុន្តែរស់ជាតិអាចទទួលយកបាន និងមានការគាំទ្រពីយុវវ័យជាច្រើន។ បើតាមស្រីឈូកអ្នកលក់ផ្ទាល់ប្រាប់ថា បុណ្យភូមិថ្ងៃដំបូងនាងលក់អស់ដល់ជាង ១០០ លីត្រ ក្នុងថ្ងៃទី២នេះ នាងត្រៀមដល់ទៅ២០០លីត្រទៀត។ នាងត្អូញថាលំបាករកអ្នកផ្គត់ផ្គង់ណាស់ ព្រោះអ្នកធ្វើត្នោតតិច ហើយពឹងលើរបៀបធ្វើបែបធម្មជាតិសុទ្ធសាធ។