- 2019-04-08 02:11:26
- ព័ត៌មាន
សាឡាងមួយគ្រឿង បើកបុកស្ពានកម្ពស់ជិត ២០០ម៉ែត្របាក់ធ្លាក់ចូលទន្លេនៅប្រេស៊ីល
- 2019-04-08 02:11:26
- ចំនួនមតិ 0 | ចំនួនចែករំលែក 0
សាឡាងមួយគ្រឿង បើកបុកស្ពានកម្ពស់ជិត ២០០ម៉ែត្របាក់ធ្លាក់ចូលទន្លេនៅប្រេស៊ីល
ចន្លោះមិនឃើញ
សាឡាងមួយគ្រឿង បានបើកបុកពាក់កណ្ដាលស្ពានមួយខ្សែនៅជិតតំបន់ព្រៃអាម៉ាហ្សូនក្នុងប្រទេសប្រេស៊ីលកាលពីថ្ងៃសៅរ៍កន្លងទៅ បណ្ដាលឲ្យបំណែកស្ពាន និងរថយន្ដពីរគ្រឿងធ្លាក់ចូលក្នុងទឹកទន្លេ។
យោងតាមអាជ្ញាធរក្នុងតំបន់ឲ្យអ្នកសារព័ត៌មានដឹងថា សាក្សីនៅកន្លែងកើតហេតុបានឃើញរថយន្ដពីរគ្រឿងធ្លាក់ក្នុងទឹកទន្លេក្រោយហេតុការណ៍កើតឡើង។ យ៉ាងណាមិញ គេនៅមិនទាន់ដឹងច្បាស់ថាមានមនុស្សប៉ុន្មាននាក់ក្នុងឡាននៅឡើយទេ ខណៈដែលក្រុមអ្នកជួយសង្គ្រោះ បន្ដមុជទឹករុករកក្នុងទន្លេ។ ចំណែកសេចក្ដីថ្លែងការណ៍របស់រដ្ឋាភិបាលឲ្យដឹងថា បុគ្គលិកចំនួន ៥នាក់នៅលើសាឡាងបានរួចផុតជីវិត ប៉ុន្ដែមិនមានព័ត៌មានទាក់ទងនឹងជនរងគ្រោះផ្សេងទៀតក្រោយស្ពានកម្ពស់ជិត ២០០ម៉ែត្របាក់នោះទេ។
យ៉ាងណាមិញ ប្រព័ន្ធផ្សព្វផ្សាយក្នុងស្រុករាយការណ៍ថា ការត្រួតពិនិត្យស្ពានកាលពីខែមករាបានរកឃើញមានបញ្ហាប្រេះសសរស្ពាន ប៉ុន្តែរដ្ឋាភិបាលមិនបានគិតគូរពីបញ្ហានេះ និងបិទចរាចរបណ្ដោះអាសន្នទេ៕
