ស្អែកនេះនឹងផ្ដើមយុទ្ធនាការផ្សព្វផ្សាយសុវត្ថិភាពចរាចរណ៍ មុនពិធីបុណ្យចូលឆ្នាំខ្មែរមកដល់

2019-04-09 07:36:30
ចរាចរណ៍

2019-04-09 07:36:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Pass App Technologies និងកាកបាទក្រហមកម្ពុជា នៅថ្ងៃទី១០ ខែមេសា ២០១៩ស្អែកនេះនឹងចុះផ្សព្វផ្សាយសារសុវត្ថិភាពចរាចរណ៍តាមទីប្រជុំជនក្នុងរាជធានីភ្នំពេញ មុនពិធីបុណ្យចូលឆ្នាំខ្មែរប្រពៃណីជាតិមកដល់។ គោលដៅ នៃការចុះផ្សព្វផ្សាយ និងចែកខិត្តបណ្ណសារចរាចរណ៍ ក្នុងមួយគោលដៅមានម៉ូតូកង់បីឥណ្ឌា (TukTuk) ចំនួន ១០ម៉ូតូ ដូច្នេះ ៤គោលដៅស្មើនឹង ៤០កង់បីឥណ្ឌា សមាជិកយុវជនកាកបាទក្រហមកម្ពុជា ២០ នាក់ ក្នុងនោះគោលដៅទាំង ៤ រួមមាន៖

១. រង្វង់មូលចោមចៅ ចំណុចប្រសព្វទីប្រជុំជនផ្សារជម្ពូវ័ន្ត (ខណ្ឌពោធិ៍សែនជ័យ)
២. រង្វង់មូលព្រហ្មមុខបួន ចំណុចប្រសព្វស្ពានជ្រោយចង្វារត្រើយកើត (ខណ្ឌជ្រោយចង្វារ)
៣. ស្ពានព្រះមុនីវង្ស ចំណុចប្រសព្វផ្សារច្បារអំពៅ (ខណ្ឌច្បារអំពៅ) និង
៤. រង្វង់មូលកួរស្រូវ និងចំណុចប្រសព្វស្ពានដែកចំការដូង (ខណ្ឌដង្កោ)

ចំពោះពេលវេលា នៃកម្មវិធីផ្សព្វផ្សាយ ដូចខាងក្រោមនេះ៖

៦ម៉ ៣០ ដល់ ៧ម៉០០ - ជួបជុំបណ្ដាញអ្នករត់កង់បី និងយុវជននៅទីស្នាក់ការកណ្ដាលកាកបាទក្រហមកម្ពុជា
៧ម៉១៥ ដល់ ៧ម៉៣០ - មតិណែនាំ និងតម្រង់ទិសពីផែនការសកម្មភាពចុះផ្សព្វផ្សាយដោយថ្នាក់ដឹកនាំកាកបាទក្រហមកម្ពុជា
៧ម៉ ៣០ ដល់ ៧ម៉៣០ - បែងចែកក្រុមទៅតាមគោលដៅទាំង ៤
៧ម៉ ៥០ ដល់ ៨ម៉៣០ - ក្រុមនីមួយៗចេញដំណើរទៅតាមគោលដៅរៀងៗខ្លួន
៨ម៉ ៣០ ដល់ ១១ម៉៣០ - សកម្មភាពចុះចែកខិត្តបណ្ណ និងផ្សព្វផ្សាយតាមគោលដៅនីមួយៗ
ម៉ោង ១១ ម៉៣០ ចប់កម្មវិធី