- 2019-04-10 02:32:14
- ព័ត៌មាន
ញាក់សាច់! ភ្លៀង ២៤ម៉ោងនៅប្រេស៊ីល បង្កជាទឹកជំនន់សម្លាប់មនុស្សយ៉ាងហោច ៩នាក់
- 2019-04-10 02:32:14
- ចំនួនមតិ 0 | ចំនួនចែករំលែក 0
ញាក់សាច់! ភ្លៀង ២៤ម៉ោងនៅប្រេស៊ីល បង្កជាទឹកជំនន់សម្លាប់មនុស្សយ៉ាងហោច ៩នាក់
ចន្លោះមិនឃើញ
យ៉ាងហោចណាស់មនុស្ស ៩នាក់ បានស្លាប់ក្រោយពេលដែលមានភ្លៀងធ្លាក់អំឡុង ២៤ម៉ោងបណ្ដាលឲ្យមានជំនន់ទឹកភ្លៀងក្នុងទីក្រុងជាប់មាត់សមុទ្រ Rio de Janeiro ប្រទេសប្រេស៊ីល។
យោងតាមការិយាល័យអភិបាលក្រុងឲ្យដឹងក្នុងសេចក្ដីថ្លែងការណ៍មួយថា ទឹកភ្លៀងបានហក់ឡើងដល់កម្ពស់ ៣១សង់ទីម៉ែត្រក្រោយពេលដែលធ្លាក់នៅតំបន់មួយចំនួននៃទីក្រុងក្នុងរយៈពេល ២៤ម៉ោង។ ផ្លូវជាច្រើន ត្រូវបានបិទដោយសារដើមឈើបាក់ហើយបំផ្លិចបំផ្លាញយានយន្ដជាច្រើនគ្រឿងផងដែរ។ លោកអភិបាលក្រុង Marcelo Crivella ថ្លែងថាភ្លៀងនេះមិនធម្មតានោះទេដោយសារវាប៉ះពាល់ធ្ងន់ធ្ងរនៅភាគខាងត្បូង និងខាងលិចនៃទីក្រុង។
យ៉ាងណាមិញ មកទល់ពេលនេះក្រុមអ្នកសង្គ្រោះជាង ៥ពាន់នាក់ ត្រូវបានដាក់ឲ្យធ្វើការដើម្បីដោះស្រាយបញ្ហា ក៏ដូចជាប្រតិបត្តិការជួយសង្គ្រោះក្រោយមានការបាក់ដីនៅផ្នែកខ្លះនៃទីក្រុងទៀតផង៕