- 2019-04-24 02:43:31
- ព័ត៌មាន
គួរឲ្យភ្ញាក់ផ្អើល! ក្រុមឧទ្ទាម ISIS អះអាងថាខ្លួនស្ថិតពីក្រោយការបំផ្ទុះគ្រាប់បែកនៅស្រីលង្ការ
- 2019-04-24 02:43:31
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! ក្រុមឧទ្ទាម ISIS អះអាងថាខ្លួនស្ថិតពីក្រោយការបំផ្ទុះគ្រាប់បែកនៅស្រីលង្ការ
ចន្លោះមិនឃើញ
ក្រុមឧទ្ទាម ISIS បានអះអាងខ្លួនជាអ្នកស្ថិតនៅពីក្រោយហេតុការណ៍បំផ្ទុះគ្រាប់បែកជាច្រើនកន្លែងក្នុងប្រទេសស្រីលង្ការកាលពីសប្ដាហ៍មុនដែលបណ្ដាលឲ្យមានអ្នកស្លាប់កើនយ៉ាងហោច ៣២១នាក់ និងជាង ៥០០នាក់ទៀតរងរបួស។
យោងតាមសេចក្ដីថ្លែងការណ៍ខ្លីមួយចេញដោយក្រុមឃោសនារបស់ ISIS កាលពីថ្ងៃអង្គារឲ្យដឹងថា "ជនល្មើសដែលធ្វើការវាយប្រហារនៅស្រីលង្ការ គឺជាក្រុមសកម្មប្រយុទ្ធរបស់រដ្ឋអ៊ីស្លាម។” ចំណែកឯការស៊ើបអង្កេតជាបឋមដោយក្រសួងការពារជាតិស្រីលង្ការបង្ហាញថា ការវាយប្រហារនេះធ្វើឡើងដើម្បីជាការ"សងសឹក" ក្រោយពេលដែលមានការបាញ់សម្លាប់សាសនិកអ៊ីស្លាមយ៉ាងរង្គាលនៅវិហារ Christchurch ដែលសម្លាប់មនុស្ស ៥០នាក់ក្នុងប្រទេសនូវែលហ្សេឡង់កាលពីខែមុន។
ជាមួយគ្នាដែរ នាយករដ្ឋមន្ត្រី Wickremesinghe ឲ្យដឹងកាលពីថ្ងៃអង្គារថាការស៊ើបអង្កេតកំពុងដំណើរការទៅយ៉ាងរលូនដើម្បីតាមចាប់ពិរុទ្ធជន ខណៈពេលដែលជនសង្ស័យជាង ៤០នាក់ត្រូវបានចាប់ខ្លួន។ លើសពីទៀត ភ្នាក់ងារ FBI ក៏បានទៅដល់ទឹកដីស្រីលង្ការដើម្បីផ្ដល់ជាជំនួយផ្សេងៗសម្រាប់ការស៊ើបអង្កេតបន្ថែមទៀត៕