កុំចេះតែហានតុលាការស្រុកចិន! រឿងលុយមិនដល់មួយយ័នផងក៏អាចប្ដឹងទារមកវិញបានដែរ

2019-04-24 06:51:00
ព័ត៌មាន

2019-04-24 06:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់បានប្ដឹងទៅតុលាការក្រោយពីផ្សារទំនើបក្នុងតំបន់មួយអាប់លុយឲ្យគាត់ខ្វះ០,០៤យ័នឬប្រហែលហ្នឹង០,៦សេនគិតជាដុល្លារ។

តុលាការនៅខេត្ត Shaanxi បានកាត់ក្ដីឲ្យដើមបណ្ដឹងឈ្មោះXiao ឈ្នះក្នុងការប្ដឹងផ្ដល់នេះ ដោយលើកឡើងថាលោកXiao មិនបានទទួលលុយអាប់ចំនួន០,០៤យ័នពីផ្សារទំនើបនោះមែន និងថែមទាំងបានបង្គាប់ឲ្យខាងផ្សារចេញថ្លៃចំណាយផ្នែកច្បាប់៥០យ័នផងដែរ។

លោកXiao បានបង្ហាញវិក័យបត្រក្នុងវីដេអូមួយពីមុខទំនិញដែលលោកបានទិញអស់ថ្លៃ៥៤,៧៦យ័ន ហើយលោកបានឲ្យប្រាក់ទៅអ្នកលក់ចំនួន៥៥យ័ន តែលោកបានលុយអាប់វិញតែ០,២យ័នប៉ុណ្ណោះ។

លោកថា៖ «ខ្ញុះបានលុយអាប់តែ០,២យ័ន...ខ្ញុំប្ដឹងនេះគឺគ្រាន់តែចង់បានលុយខ្ញុំ០,០៤យ័នវិញប៉ុណ្ណោះ ព្រោះវាជារបស់ខ្ញុំ»។

មេធាវីលោក Xiao បាននិយាយថាការអាប់លុយមិនគ្រប់បែបនេះគឺមិនបានគោរពសិទ្ធិអ្នកទិញនោះទេ និងថែមទាំងបានធ្វើឲ្យអ្នកទាំងនោះអាក់អន់ចិត្តទៀតផង»។ ក្រោយការប្ដឹងនេះខាងភាគីផ្សារបានសុំទោសលោក Xiao និងមហាជន៕

ប្រភព៖ South China Morning Post ប្រែសម្រួល៖ ទូច សុខា