ក្ដៅបែបនេះ! គួរដឹងពីប្រភេទសម្លៀកបំពាក់ និងពណ៌គួរប្រើ ដើម្បីសុខភាព

2019-04-26 07:43:17
សុខភាព

2019-04-26 07:43:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងធនធានទឹកបានជូនដំណឹងរួចហើយថាពីថ្ងៃទី២២ ដល់៣០ ខែមេសា នេះសីតុណ្ហភាពអាចឈានដល់៤០ឬ៤១អង្សាសេ។ អាកាសធាតុក្ដៅបែបនេះក្រសួងសុខាភិបាល តាមរយៈនាយកដ្ឋានប្រយុទ្ធនឹងជំងឺឆ្លងកាលពីថ្ងៃទី២០ ខែមេសា បានណែនាំប្រជាពលរដ្ឋពីការស្លៀកពាក់ និងការធ្វើដំណើរក្នុងពេលមានសីតុណ្ហភាពក្ដៅបែបនេះ។

ប្រភពខាងលើឲ្យដឹងថាក្នុងសីតុណ្ហភាពក្ដៅដូចបច្ចុប្បន្ននេះប្រជាពលរដ្ឋគួរស្លៀកសំលៀកបំពាក់ស្ដើងៗ ឬមានពណ៌ស្រាល និងរលុង និងបើអាចគួរលាបឡេការពារកម្ដៅថ្ងៃផងដែរ។

សម្រាប់កុមារ និងទារកវិញត្រូវស្លៀកពាក់ខោអាវស្តើង ពណ៌ស្រាល រលុង គ្របក្បាល និងបាំងថ្ងៃឲ្យម្លប់ ដោយមួកឬឆ័ត្រ និងហាមទុកទារកកុមារចោលនៅក្នុងរថយន្តដែលចតចោល។

ប្រភពដដែលបន្តថាការរលាកស្បែកដោយសារពន្លឺព្រះអាទិត្យប៉ះពាល់ដល់រាងកាយនិងធ្វើឲ្យរាងកាយបាត់បង់ជាតិទឹកហើយ វាក៏បណ្តាលឲ្យស្បែកមានការឈឺចាប់និងខូចស្បែកផងដែរ។

ចំពោះការចេញដំណើរទៅណាមកណាវិញក្រសួងណែនាំឲ្យចេញពីព្រឹក ឬពេលល្ងាចបើអាចធ្វើបាន និងត្រូវព្យាយាមសម្រាកឲ្យបានញឹកញាប់នៅកន្លែងម្លប់ដូច្នេះ រាងកាយរបស់លោកអ្នកនឹងមានឱកាសមានកម្លាំងឡើងវិញ៕

អត្ថបទ៖ ទូច សុខា