- 2019-04-27 08:12:07
- សេដ្ឋកិច្ច
សេដ្ឋីពាន់លាន ប្ដឹងកសិករឥណ្ឌាថាបានដាំប្រភេទដំឡូងជាកម្មសិទ្ធិផ្ដាច់មុខរបស់ក្រុមហ៊ុនខ្លួន
- 2019-04-27 08:12:07
- ចំនួនមតិ 0 | ចំនួនចែករំលែក 0
សេដ្ឋីពាន់លាន ប្ដឹងកសិករឥណ្ឌាថាបានដាំប្រភេទដំឡូងជាកម្មសិទ្ធិផ្ដាច់មុខរបស់ក្រុមហ៊ុនខ្លួន
ចន្លោះមិនឃើញ
ក្រុមហ៊ុននំបន្ទះឈីបដំឡូងបារាំង Lay's ដ៏ល្បីបំផុតបានប្តឹងកសិករមួយក្រុមនៅក្នុងប្រទេសឥណ្ឌាថាបានដាំដុះប្រភេទដំឡូងបារាំង ដែលពួកគេនិយាយថាពួកគេមានសិទ្ធិផ្តាច់មុខ។
PepsiCo ក្រុមហ៊ុនរបស់នំបន្ទះឈីបដំឡូងបារាំង Lay's របស់អាមេរិកដែលមានទ្រព្យសម្បត្តិ ១៧៧ ពាន់លានដុល្លារ បានរៀបចំឯកសារប្តឹងកសិករ៤នាក់នៅតុលាការ Ahmedabad រដ្ឋគូចារ៉ាត (Gujarat) ប្រទេសឥណ្ឌា ដោយទាមទារសំណង ១៤៣ ០០០ ដុល្លារក្នុងម្នាក់ៗ។ នេះបើយោងតាម Business Insider ចុះផ្សាយកាលពីថ្ងៃសុក្រ។
PepsiCo បាននិយាយថាខ្លួនបានទទួលសិទ្ធិផ្តាច់មុខនៅក្នុងប្រទេសឥណ្ឌាតាំងពីឆ្នាំ ២០១៦ មកម្ល៉េះ ក្នុងការដាំដំឡូងបារាំង ដែលមានលេខកូដសម្គាល់ដំឡូងបារាំង FL-2027។
ក្រុមហ៊ុនយក្សនេះ បានអះអាងថាការដាំដុះដំឡូងបារាំង FL-2027 ដោយគ្មានការអនុញ្ញាត គឺជាការរំលោភច្បាប់ឆ្នាំ២០០១ ស្តីពី ការការពារពូជដំណាំ និង សិទ្ធិរបស់កសិករ។
តុលានឹងកោះហៅកសិករចូលបំភ្លឺនៅថ្ងៃសុក្រ ដែល២នាក់ក្នុងចំណោមនោះមានឈ្មោះ Fulchand Kachchhawa និង Suresh Kachchhawa ដែលរស់នៅភាគពាយ័ព្យនៃរដ្ឋគូចារ៉ាត ខណៈដែលក្រុមសកម្មជនរាប់រយនាក់យល់ថាបណ្តឹងនេះគឺជារឿងមិនត្រឹមត្រូវ។
ក្រៅពីមាននំបន្ទះឈីបដំឡូងបារាំង Lay's ក្រុមហ៊ុន PepsiCo ក៏នៅមានផលិតផលម្ហូបអាហារ និង ភេសជ្ជៈល្បីៗជាច្រើនមុខទៀតដូចជា៖ Gatorade, Quaker Oats និង Pepsi ជាដើម៕
អាន៖ តុលាការឥណ្ឌាបណ្ដេញកុលសម្ព័ន្ធជិត១លាននាក់ពីលំនៅឋាន ដើម្បីការពារសត្វព្រៃ
អាន៖ ២៧ សន្លឹករូបថតបែប portrait ដ៏មានឥទ្ធិពលរបស់អ្នកថតរូបប៉ូឡូញដែលធ្វើដំណើរទូទាំងឥណ្ឌា