- 2019-04-29 06:58:36
- ព័ត៌មាន
គួរឲ្យភ្ញាក់ផ្អើល! ស្រីលង្ការហាមឃាត់ការពាក់ស្បៃមុខ ក្រោយការវាយប្រហារបំផ្ទុះគ្រាប់បែក
- 2019-04-29 06:58:36
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! ស្រីលង្ការហាមឃាត់ការពាក់ស្បៃមុខ ក្រោយការវាយប្រហារបំផ្ទុះគ្រាប់បែក
ចន្លោះមិនឃើញ
រដ្ឋាភិបាលប្រទេសស្រីលង្កា បានធ្វើការហាមឃាត់ការពាក់ស្បៃមុខទាំងអស់ក្នុងប្រទេសក្រោយមានការវាយប្រហារដោយបំផ្ទុះគ្រាប់បែកជាច្រើនកន្លែងមួយបណ្ដាលឲ្យមនុស្សជាង ៣០០នាក់ស្លាប់។
យោងតាមសារព័ត៌មានក្នុងតំបន់ឲ្យដឹងថា ប្រធានាធិបតីលោក Maithripala Sirisen បានប្រើប្រាស់អំណាចភ្លាមៗដើម្បីធ្វើការហាមឃាត់ការបិទបាំងមុខនៅទីសាធារណ។ ការហាមប្រាមនេះ ត្រូវបានប្រកាសនៅថ្ងៃនេះមានន័យថាស្ត្រីកាន់សាសនាអ៊ីស្លាមនៅក្នុងប្រទេសស្រីលង្ការទាំងអស់ នឹងមិនអាចពាក់ស្បៃបិទបាំងមុខទៀតនោះទេ។ ជាមួយគ្នា ការស្នើធ្វើច្បាប់ថ្មី ត្រូវបានធ្វើឡើងក្រោយរកឃើញថាក្រុមភេរករបានបិទមុខដើម្បីបន្លំចូលគោលដៅមុនធ្វើការវាយប្រហារបំផ្ទុះគ្រាប់បែក។
ចំណែកសេចក្ដីថ្លែងការណ៍របស់ការិយាល័យប្រធានាធិបតីឲ្យដឹងថា ការហាមប្រាមថ្មី ត្រូវឲ្យចូលជាធរមាននៅថ្ងៃចន្ទនេះដើម្បីធានាសុវត្ថិភាពជាតិដោយគ្មាននរណាម្នាក់អាចលាក់បាំងអត្ដសញ្ញាណរបស់ខ្លួនឡើយ។ យ៉ាងណាមិញ ការពាក់ស្បៃមុខដើម្បីរុំក និងសក់ (Hijab និង Chador) មិនត្រូវបានហាមឃាត់នោះទេ៕