/5cce399711836_1557019020_medium.jpg)
- 2019-05-05 01:35:00
- ការអប់រំ
គ្រួសារនារីនេះត្រូវគេរកឃើញថាបានសូកលុយ៦,៥លានដុល្លារដើម្បីឲ្យនាងបានរៀននៅ Stanford
- 2019-05-05 01:35:00
- ចំនួនមតិ 0 | ចំនួនចែករំលែក 0
គ្រួសារនារីនេះត្រូវគេរកឃើញថាបានសូកលុយ៦,៥លានដុល្លារដើម្បីឲ្យនាងបានរៀននៅ Stanford
ចន្លោះមិនឃើញ
គ្រួសារមហាសេដ្ឋីចិនម្នាក់ត្រូវបានគេរកឃើញថាបានសូកលុយចំនួន ៦,៥ លានដុល្លារទៅឲ្យបុរសម្នាក់ឲ្យជួយរត់ការដើម្បីឲ្យកូនស្រីរបស់ខ្លួនបានចូលរៀននៅសាកលវិទ្យាល័យ Stanford ។ នេះបើយោងតាម CNN ចុះផ្សាយពេលថ្មីៗនេះ។
លោក William Singer ត្រូវបានតុលាការរកឃើញថាបានក្លែងបន្លំឯកសារដើម្បីឲ្យនាង Yusi Zhao អាចចូលរៀននៅសាកលវិទ្យាល័យដ៏ល្បីរបស់សហរដ្ឋអាមេរិក។
លោកបានប្រើបច្ចេកទេសមួយចំនួនដូចជា ការបម្រុងកន្លែងឲ្យនិស្សិតបានចូលរៀនប្រសិនបើគេជាអត្តពលិក និង ការបរិច្ចាគ ៥០ ម៉ឺនដុល្លារជាអំណោយដល់ក្រុមអត្តពលិករបស់សាលាក្រោយនាងត្រូវបានជ្រើសរើស បើទោះជានាងមិនមែនជាអត្តពលិកក៏ដោយ។
លុយរាប់លានដុល្លារសេសសល់ពីនោះ Singer យកដាក់ហោប៉ៅ ដែលត្រូវបានគេដឹងថាជាលុយដ៏ច្រើនបំផុតពីការឆបោកនេះ។ Singer បានសារភាពប្រាប់ព្រះរាជអាជ្ញាថា កន្លងមកខ្លួនបានប្រើរូបភាពនេះដោយទារថ្លៃជាទូទៅ ២៥ ម៉ឺនដុល្លារដើម្បីសម្រួលឲ្យកូនអ្នកមានៗណាដែលចង់ឲ្យកូនពួកគេបានចូលរៀនសាលាល្អ។
Yusi Zhao កូនស្រីរបស់មហាសេដ្ឋីលក់ឱសថលោក Tao Zhao ត្រូវបានគេអនុញ្ញាតឱ្យចូលសិក្សានៅស្ទែនហ្វដនៅនិទាឃរដូវឆ្នាំ ២០១៧ ដោយមានការជ្រោមជ្រែងរបស់ William Singer។ ប៉ុន្តែរឿងអាស្រូវពុករលួយនេះមិនត្រូវបានគេដឹងភ្លាមៗឡើយ។
នាង Yusi ដែលជានិស្សិតផ្នែកចិត្តសាស្ត្រ និង ការសិក្សាអំពីអាស៊ីបូព៌ាត្រូវបានបណ្ដេញចេញពីសាលាកាលពីខែមុនបន្ទាប់ពីសាកលវិទ្យាល័យបានរកឃើញថាពាក្យសុំរបស់នាងមានផ្ទុកឯកសារក្លែងក្លាយ។
គ្រួសាររបស់នាង បាននិយាយថាពួកគេគឺជាជនរងគ្រោះដោយចាញ់ល្បិចរបស់លោក Singer ដោយគិតថា ៦,៥ លានដុល្លារគឺជាជំនួយសប្បុរសដែលផ្តល់ទៅឲ្យមូលនិធិរបស់ Singer ដើម្បីផ្តល់អាហារូបករណ៍ដល់និស្សិតនៅ Stanford។
កន្លងមកតុលាអាមេរិកធ្លាប់បានចោទប្រកាន់ឪពុកម្ដាយអ្នកមានៗ ៣៣ករណីមកហើយនៅអាមេរិកដែលព្យាយាមសូកប៉ាន់អ្នករត់ការដើម្បីឲ្យកូនខ្លួនបានចូលរៀនសាលាល្អ ប៉ុន្តែគ្មានករណីណាដែលចាយលុយសន្ធឹកសន្ធាប់ដូចករណីកូនស្រីមហាសេដ្ឋីចិននេះឡើយ៕
អាន៖ ៤ ចំណុចដែលឪពុកម្តាយជនជាតិអាស៊ីចិញ្ចឹមកូន ខុសពីបស្ចិមលោក
អាម៖ អ្នកភូមិជាង១៦លាននាក់នៅចិនរកចំណូលទាបជាង៣៤០ដុល្លារ១ឆ្នាំ
