- 2019-05-08 06:41:50
- ព័ត៌មាន
ឯកអគ្គរាជទូតជប៉ុនប្រាប់ពីវិធីទប់ស្កាត់ការឡើងកម្ដៅក្នុងបន្ទប់ឬផ្ទះនារដូវក្ដៅ (មានវីដេអូ)
- 2019-05-08 06:41:50
- ចំនួនមតិ 0 | ចំនួនចែករំលែក 0
ឯកអគ្គរាជទូតជប៉ុនប្រាប់ពីវិធីទប់ស្កាត់ការឡើងកម្ដៅក្នុងបន្ទប់ឬផ្ទះនារដូវក្ដៅ (មានវីដេអូ)
ចន្លោះមិនឃើញ
ឯកអគ្គរាជទូតជប៉ុនប្រចាំប្រទេសកម្ពុជា ឯកឧត្តម ហូរីណូអ៊ុជិ ហ៊ីដេហ៊ីសា កាលពីម្សិលមិញបានបង្ហាញពីរបៀបធ្វើវាំងននបៃតងដែលប្រជាជនជប៉ុនតែងធ្វើដើម្បីកាត់បន្ថយកម្ដៅចូលក្នុងបន្ទប់។
ឯកឧត្តមមានប្រសាសន៍តារយៈវីដេអូជាងមួយនាទីរបស់ខ្លួន ថាក្រៅពីការបាញ់ទឹកនៅប្រទេសជប៉ុនដើម្បីបន្ថយកម្ដៅពីបរិយាកាស ប្រជាជនជប៉ុនក៏បានធ្វើវាំងននបៃតងនៅតាមសួន ផ្ទះ និងការរិយាល័យជាដើម ឲ្យដើម្បីមើលទៅឃើញថាត្រជាក់ភ្នែក។
វាំងននបៃតងសម្ដៅដល់ការដាំរុក្ខជាតិវល្លិនៅតាមឬក្បែរបង្អួចដើម្បីបន្ថយកម្ដៅព្រះអាទិត្យជះចូលក្នុងបន្ទប់ និងការឡើងកម្ដៅក្នុងបន្ទប់។ ឯកឧត្តមបន្តថាជនជាតិជប៉ុនតែដាំរុក្ខជាតិប្រភេទវល្លិទាំងនេះដើម្បីមើលទៅឃើញត្រជាក់ភ្នែកផងដែរ។
ឯកឧត្តមក៏បានដាក់ជាសំណួរដែរថាតើនៅកម្ពុជាមានរុក្ខជាតិប្រភេទវល្លិណាខ្លះ? និងបានណែនាំឲ្យប្រជាពលរដ្ឋខ្មែរទទួលទានទឹកឲ្យបានច្រើនដើម្បីសុខភាពនារដូវក្ដៅនេះផងដែរ៕
