- 2019-05-08 09:05:07
- ព័ត៌មាន
ត្រៀមកង្ហារសាកថ្មទុកផង! តំបន់ទាំងនេះនឹងដាច់ភ្លើង១០ម៉ោងពីស្អែកដល់ថ្ងៃទី១២
- 2019-05-08 09:05:07
- ចំនួនមតិ 0 | ចំនួនចែករំលែក 0
ត្រៀមកង្ហារសាកថ្មទុកផង! តំបន់ទាំងនេះនឹងដាច់ភ្លើង១០ម៉ោងពីស្អែកដល់ថ្ងៃទី១២
ចន្លោះមិនឃើញ
អគ្គិសនីកម្ពុជានៅថ្ងៃនេះបានឲ្យដឹងថានឹងមានការផ្អាករការផ្គត់ផ្គង់អគ្គិសនីនៅតំបន់មួយចំនួនក្នុងរាជធានីភ្នំពេញ និងខេត្តកណ្ដាលដើម្បីអនុវត្តការងារជួសជុល ផ្លាស់ប្ដូរ ដំឡើងបរិក្ខា និងរុះរើគន្លងខ្សែបណ្ដាញខ្លះដើម្បីបង្កលក្ខណៈងាយស្រួលដល់ការពង្រីកផ្លូវ។
ក្នុងសេចក្ដីជូនដំណឹងមួយចុះផ្សាយនៅថ្ងៃនេះ អគ្គិសនីកម្ពុជាថានឹងផ្អាកការផ្គត់ផ្គង់អគ្គិសនីនៅតាមតំបន់មួយចំនួននៅថ្ងៃផ្សេងៗគ្នាតែមានរយៈពេល១០ម៉ោងដូចគ្នាពីម៉ោង៧ព្រឹក ដល់ម៉ោង១៧ ល្ងាច ពីថ្ងៃទី៩ ដល់ថ្ងៃទី១២ ខែឧសភា ឆ្នាំ២០១៩ នេះ។
បើតាមសេចក្ដីជូនដំណឹងការផ្អាកនេះមានធ្វើនៅផ្នែកខ្លះនៃខណ្ឌកំបូល ខណ្ឌសែនសុខ ខណ្ឌដូនពេញ ខណ្ឌ៧មករា ខណ្ឌពោធិ៍សែនជ័យ និងឃុំខ្លះទៀតក្នុងស្រុកអង្គស្នូលខេត្តកណ្ដាលសម្រាប់ថ្ងៃទី៩ ខែឧសភា ឆ្នាំ២០១៩។
សម្រាប់ថ្ងៃទី១០ ខែឧសភា ឆ្នាំ២០១៩ វិញផ្អាកនៅសង្កាត់ខ្លះក្នុងខណ្ឌចំការមន ដង្កោរ និងពោធិ៍សែនជ័យ។
ដោយឡែកថ្ងៃទី១១ ខែឧសភា ឆ្នាំ២០១៩ វិញអគ្គិសនីកម្ពុជានឹងផ្អាកការផ្គត់ផ្គង់អគ្គិសនីនៅតំបន់ខ្លះក្នុងខណ្ឌសែនសុខ ពោធិ៍សែនជ័យ ដង្កោ និងខណ្ឌឫស្សីកែវ។
នៅថ្ងៃទី១២ ខែឧសភា វិញនឹងផ្អាកនៅក្នុងតំបន់ខ្លះក្នុង ខណ្ឌសែនសុខ ពោធិ៍សែនជ័យ និងខណ្ឌកំបូល៕
សូមអានលម្អិតទីនេះ