• 2019-05-16 09:42:15
  • ព័ត៌មាន

យុវតីម្នាក់​ដាច់ចិត្ត​សម្លាប់​ខ្លួន​ក្រោយ​បង្ហោះសារមួយ​ក្នុង​ប្រ​ព័ន្ធ​Instagram​បាន​ប៉ុន្មាន​ម៉ោង​

  • 2019-05-16 09:42:15
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​យុវតី​ឥណ្ឌូនេស៊ី​ម្នាក់​បាន​សម្រេច​ចិត្ត​សម្លាប់​ខ្លួន​ក្រោយ​ពី​ធ្វើការ​ស្ទង់​មតិ​មួយ​លើ​ប្រ​ព័ន្ធInstagram ​ ដោយ​ដាក់​ជា​សំនួរ​ទៅ​កាន់​អ្នក​Follow ​នាងថា​តើ​នាង​គួរ​ស្លាប់ ឬ ក៏​រស់​បន្ត។

នៅ​ក្នុង​ប្រ​ព័ន្ធ​Instagram ​នាងបានសរសេរ​សារ​ភ្ជាប់​នឹង​រូប​ភាព​ថា៖ «សំខាន់​ណាស់ជួយ​ខ្ញុំ​ផងតើខ្ញុំគួរ​D/L?» នៅ​ប៉ុន្មាន​ម៉ោង​ប៉ុណ្ណោះមុន​គេ​រកឃើញសាកសពរបស់​នាង។

D សម្ដៅ​ដល់​សេចក្ដី​ស្លាប់ និង L សម្ដៅ​ដល់​ការ​រស់​នៅ​បន្ត។ ប៉ុន្មាន​ម៉ោងក្រោយ​ផុស​សារនេះ​៦៩​ភាគ​រយ​នៃ​អ្នក​ចូល​បញ្ចេញ​បមតិជ្រើស​រើស​អងក្ស D មាន​ន័យ​ថា​ស្លាប់។

បងជីដូន​មួយ​យុវតី​ខាងលើ​បាន​សរសេរ​សារ​មួយនិងភ្ជាប់ជាមួយ​រូប​ថតប្អូន​ដែល​ស្លាប់​​ផង​ថា៖ «ឃើញ​ទេ​អ្នក​ទាំងអស់គ្នា នេះ​ហើយជា​អ្វី​ដែល​អ្នក​ជ្រើសរើស​អក្សរ​D ហើយនេះ​ជា​អ្វី​ដែលបាន​កើត​ឡើង...​សប្បាយ​ចិត្ត​ហើយ​មែនទេ?»។

ហេតុការណ៍នេះ​កើតឡើង​កាលពី​ថ្ងៃអង្គារ​កន្លង​ទៅ​នេះ​ និង​ប៉ុន្មាន​ម៉ោង​ក្រោយ​យុវតី​វ័យ​១៦​ឆ្នាំ​ខាង​លើ​បាន​ផុស​សារ​ក្នុង​Instagramប៉ុណ្ណោះ។

យុវតីខាង​លើ​ត្រូវគេ​ដឹងថា​ធ្លាប់​មាន​បញ្ហា​តាន​តឹងខាង​ផ្លូវ​ចិត្ត​ផង​ដែរ ក្រោយ​ឪពុក​រៀបការជា​ថ្មី និង​មិន​សូវ​មក​រក​នាង។

សមាជិក​សភា លោក Ramkarpal Singh ​បាន​សរសេរ​ក្នុងសេចក្ដី​ថ្លែងការណ៍​របស់​ខ្លួន​ថា​អ្នក​បោះ​ឆ្នោត​ឲ្យ​យុវតីសម្លាប់ខ្លួន​គួរតែមាន​កំហុសដោយ​នេះជា​ការ​ជំរុញ​ឲ្យ​មនុស្ស​សម្លាប់​ខ្លួន​។ លោក​សរសេរទៀតថា៖ «នាងអាច​នឹង​នៅ​រស់​ដល់​ពេលនេះ​បើ​ម្ចាស់ Instagram ទាំងអស់​មិន​លើក​ទឹក​ចិត្ត​ឲ្យ​នាង​សម្លាប់​ខ្លួន»៕

ប្រភព៖ Dailymail ប្រែ​សម្រួល៖ ទូច សុខា

មតិយោបល់
អត្ថបទពេញនិយម