ឆ្ងាញ់ដៃទៀតហើយ! គ្រាន់តែផលិតវីដេអូ ៣ នាទី អាចឈ្នះរង្វាន់ដើរលេងកោះម៉ាល់ឌីវ ៣ ថ្ងៃ Free

2019-05-17 05:18:15
ព័ត៌មាន

2019-05-17 05:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

បើអ្នកចូលចិត្តដើរលេង ហើយថតវីដេអូផងនោះ កម្មវិធីនេះគឺត្រូវម៉ាច់តែម្ដង ព្រោះ Club Med Cambodia បានរៀបចំការប្រកួតផលិតវីដេអូមួយ ដែលឲ្យអ្នកឈ្នះនាំយកមនុស្សម្នាក់ទៅលេងកោះម៉ាល់ឌីវ រយៈពេល ៣ ថ្ងៃ។

ទម្រង់នៃវីដេអូនោះ ត្រូវតែវីដេអូថតថ្មី និងនិយាយរៀបរាប់ពីតំបន់ទេសចរណ៍ ឬដំណើរទេសចរណ៍របស់អ្នក ដែលមានរយៈតិចជាង ៣ នាទី។ អ្នកអាចផ្ញើវីដេអូដើម្បីចូលរួមចាប់ពីថ្ងៃនេះ រហូតដល់ថ្ងៃ ៣១ ឧសភា ២០១៩។ វីដេអូដែលទទួលបានចំនួន Like & Share នឹងទទួលបានជយលាភី ហើយនឹងត្រូវប្រកាសនៅថ្ងៃទី១៤ មិថុនា ២០១៩ ។ លក្ខខណ្ឌសំខាន់ៗដើម្បីចូលរួមមានដូចជា៖

ត្រូវមានអាយុចាប់ពី ១៨ឆ្នាំឡើង និងមានលិខិតឆ្លងដែនផ្ទាល់ខ្លួន
ថតវីដេអូថ្មី នៃតំបន់ទេសចរណ៍ ឬដំណើរទេសចរណ៍របស់អ្នកទាំងក្នុងព្រះរាជាណាចក្រកម្ពុជា និងក្រៅប្រទេស រយៈពេលត្រឹមតែ២-៣នាទី ចាប់ពីថ្ងៃប្រកាសនេះ រហូតដល់ថ្ងៃទី ៣១ ឧសភា ២០១៩
ផ្ញើវីដេអូ (ឬ Link នៃវីដេអូ) ឲ្យបានមុនថ្ងៃទី៣១ ឧសភា ២០១៩ មកកាន់ Page: Club Med Cambodia: Club Med Cambodia
រាល់វីដេអូទាំងអស់ នឹងត្រូវផុសចូល FB Page: Club Med Cambodia ដើម្បីដាក់ធ្វើការបោះឆ្នោតជាសាធារណៈចាប់ពីថ្ងៃទី ៣ ដល់ ១២ មិថុនា ២០១៩។ (Like = ១ ពិន្ទុ | Share = ១ ពិន្ទុ)

ចំណែកឯលក្ខណៈវិនិច្ឆ័យនៃវីដេអូ ដែលមានឱកាសអាចទទួលបានរង្វាន់មានដូចជា៖

គុណភាពនៃវីដេអូ៖ HD720 – 1080P
មិនត្រូវបង្ហាញរូបភាពទាក់ទងបារី និងគ្រឿងស្រវឹង
ហាមលួចចម្លងវីដេអូអ្នកដទៃ
បុគ្គលម្នាក់ អាចផ្ញើវីដេអូបានត្រឹម ១ ប៉ុណ្ណោះ ដើម្បីដាក់ចូលរួមក្នុងការប្រកួត
ក្រុមហ៊ុនសូមរក្សាសិទ្ធិប្រើប្រាស់វីដេអូអ្នកឈ្នះ ដែលបានផលិតរួច
ក្រុមហ៊ុននឹងរក្សាសិទ្ធិកែប្រែក្នុងករណីចាំបាច់។ ចាំអីទៀត? បានទៅដើរលេងកោះដ៏មានតម្លៃថ្លៃបំផុតលើលោកដោយឥតគិតថ្លៃហើយ អាចនាំមនុស្សសំណព្វទៅជាមួយទៀត។ ព័ត៌មានបន្ថែមសូមទាក់ទងមកកាន់៖ 077 589 567។

ទស្សនាវីដេអូខាងក្រោម ដើម្បីដឹងពីលក្ខខណ្ឌនៃការចូលរួម៖

អត្ថបទ៖ សុខណា

មតិយោបល់

ជីវិតនិងសង្គម

ភ្ជាប់ទំនាក់ទំនងជាមួយ ជីវិតនិងសង្គម

ពាក្យទាក់ទង