- 2019-05-21 03:36:07
- ព័ត៌មាន
ដឹងមូលហេតុជនជាតិជប៉ុនម្នាក់គ្មានប្រាក់ស្នាក់នៅ និងហូបចុកត្រឹមត្រូវជិត១០ថ្ងៃនៅប៉ោយប៉ែត
- 2019-05-21 03:36:07
- ចំនួនមតិ 0 | ចំនួនចែករំលែក 0
ដឹងមូលហេតុជនជាតិជប៉ុនម្នាក់គ្មានប្រាក់ស្នាក់នៅ និងហូបចុកត្រឹមត្រូវជិត១០ថ្ងៃនៅប៉ោយប៉ែត
ចន្លោះមិនឃើញ
ជនជាតិជប៉ុនម្នាក់ត្រូវបានអ្នកប្រើប្រាស់បណ្ដាញសង្គមផ្សាយថាបានសម្រាកនៅតាមចិញ្ចើមផ្លូវក្នុងភូមិសាស្រ្តច្រកទ្វារអន្តរជាតិប៉ោយប៉ែត និងគ្មានអាហារទទទួលទានត្រឹមត្រូវនោះទេ។
ការណ៍នេះកើតឡើងដោយសារតែបុរជនជាតិជប៉ុនរូបនេះបានបាត់កាបូប កាតធនាគា និងសម្ភារ ឯកសារផ្សេងៗទៀត ដែលនាំឲ្យលោកមិនមានថវិកាសម្រាប់ចំណាយថ្លៃហូបចុក និងស្នាក់នៅបាន។ នេះបើតាមការបញ្ជាក់របស់ប៉ុស្តិ៍នគរបាលច្រកទ្វារព្រំដែនអន្តជាតិប៉ោយប៉ែតកាលពីល្ងាចម្សិលមិញ។
ប្រភពខាងលើបន្តថាបន្ទាប់ពីបានទួលព័ត៌មានទាក់ទងនឹងបុរសជនជាតិជប៉ុនខាងលើ នាយប៉ុស្តិ៍ច្រកទ្វារអន្តរជាតិបានចាត់កម្លាំងជំនាញឲ្យស្វែងរក និងបានជួបនៅថ្ងៃទី២០ ខែឧសភា ឆ្នាំ២០១៩។
បុរសនោះមានឈ្មោះថា Norihiro YAMAGUCHI មានអាយុ៤៧ និងបានចេញចូលប្រទេសកម្ពុជាជាច្រើនឆ្នាំមកហើយ។
ប្រភពខាងលើសរសេរបន្តថា៖ «គាត់ធ្វើដំណើរចេញចូលស្នាក់នៅនិងទេសចរណ៍នៅប្រទេសកម្ពុជារយៈពេល១១ឆ្នាំជាងមកហើយទើបតែរយៈពេលជិត១០ថ្ងៃមកនេះគាត់បានបាត់កាបូបដែលមានកាតធនាគារនិងឯកសារសំភារទាំងអស់នៅក្រុងប៉ោយប៉ែតទើបធ្វើឲ្យគាត់គ្មានប្រាក់សំរាប់ស្នាក់នៅនិងហូបចុកបន្តទៀត។ នៅពេលនេះមន្រ្តីច្រកទ្វាព្រំដែនអន្តរជាតិប៉ោយប៉ែតបានកំពុងជួយសំរួលរៀបចំជូនគាត់ទៅស្ថានទូតជប៉ុននៅពេលឆាប់ៗនេះហើយ»៕
