- 2019-05-26 01:47:33
- ព័ត៌មាន
កូនមិនព្រមទៅរៀន ម្តាយប្រើឲ្យរើសអេតចាយកណ្ដាលថ្ងៃចែស តែពេលដឹងរឿងពិត រំជួលចិត្តគ្រប់គ្នា
- 2019-05-26 01:47:33
- ចំនួនមតិ 0 | ចំនួនចែករំលែក 0
កូនមិនព្រមទៅរៀន ម្តាយប្រើឲ្យរើសអេតចាយកណ្ដាលថ្ងៃចែស តែពេលដឹងរឿងពិត រំជួលចិត្តគ្រប់គ្នា
ចន្លោះមិនឃើញ
ស្ត្រីជាម្ដាយម្នាក់ឈ្មោះ Nuttanitcha Chotsirimeteekul ដែលរស់នៅទីក្រុងបាងកក ប្រទេសថៃ បានប្រើកូនប្រុសអាយុ ៥ឆ្នាំ ដែលមិនព្រមទៅសាលា កាលពីថ្ងៃព្រហស្បតិ៍ ទី ១៨ ខែមករា ឲ្យរើសសម្បកកំប៉ុង និងដបដើម្បីលក់យកលុយ។
អ្នកស្រី Chotsirimeteekul បានសរសេរនៅក្នុងហ្វេសប៊ុករបស់ខ្លួនថា អ្នកស្រី និងកូនបានដើរចម្ងាយប្រហែល ២,២ គីឡូម៉ែត្រ និងរើសសម្បកដបបានប្រហែល ២ គីឡូក្រាម ហើយលក់បាន ២ បាត (០,០៦ដុល្លារ)។
បន្ទាប់ពីពួកគេបានប្រមូលដបហើយ ក្មេងប្រុសនោះបានសួរម្តាយថា «តើយើងអាចជិះឡានក្រុងទៅផ្ទះបានដែរឬទេ?»។ ជំនួសឲ្យការឆ្លើយតបភ្លាមៗ អ្នកស្រី Chotsirimeteekul បានសួរកូនថា «តើកូនមានប្រាក់ជិះរថយន្តក្រុងក្នុងតម្លៃ ១០ បាត (០,៣១ ដុល្លារ) ឬទេ?»។
ផ្ទុយទៅវិញ ក្មេងប្រុសមិនមានប្រាក់គ្រប់គ្រាន់ សម្រាប់ជិះឡានក្រុងនោះទេ។ ស្ត្រីរូបនេះ បាននិយាយថា «អញ្ចឹង យើងត្រូវរើសដបបន្ថែមទៀត ដើម្បីរកប្រាក់បន្ថែមទៀត»។ ក្មេងប្រុសខាងលើបានផ្លាស់ប្ដូរគំនិតភ្លាមៗ ហើយបានសម្រេចចិត្តដើរទៅផ្ទះយ៉ាងលំបាកវិញ។
មិនយូរប៉ុន្មាន ក្មេងប្រុសនោះ បានស្នើសុំម្ដងទៀត ហើយពេលនេះ គេបានស្នើសុំញ៉ាំការ៉េមម្តង។ ប៉ុន្តែម្ដាយរបស់គេ បានសួរម្ដងទៀតថា «តើកូនមានប្រាក់គ្រប់គ្រាន់សម្រាប់ការ៉េមមួយតម្លៃ ៥ បាត (០,១៦ ដុល្លារ) ទេ?»។ ក្មេងប្រុសបានឆ្លើយថា «ទេ ខ្ញុំមិនចង់បានទៀតទេ!»។
តាមពិតទៅ អ្នកស្រី Chotsirimeteekul ធ្វើដូចនេះ គឺមានគោលបំណងបង្រៀនកូនប្រុសរបស់ខ្លួន អំពីអត្ថន័យនៃការខិតខំប្រឹងប្រែង ហើយក៏ជាមេរៀនសម្រាប់នាងផងដែរ ក្នុងការធ្វើជាគំរូសម្រាប់កូនប្រុស។ ម្ដាយរូបនេះ បាននិយាយថា នេះក៏អាចជួយកូនប្រុសឲ្យដឹងថា មិនថាកូនប្រុសជ្រើសរើសដើរផ្លូវមួយណា ឬឆ្លងកាត់ឧបសគ្គលំបាកយ៉ាងណាទេ អ្នកស្រីនឹងនៅក្បែរខ្លួនគេជានិច្ច។
អត្ថបទមេរៀនជីវិតដ៏កក់ក្ដៅរបស់អ្នកម្ដាយរូបនេះ បានល្បីល្បាញពេញប្រទេសថៃ និងនៅប្រទេសផ្សេងៗទៀតផង ហើយទទួលបានការចុច Like ជាង ៧០ ០០០ ដង និងការចែករំលែកជាង ៦០ ០០០ដងផងដែរ៕
សូមទស្សនាវីដេអូខាងក្រោម ៖
ចុចអាន ៖
