- 2019-05-28 02:42:53
- ព័ត៌មាន
ដឹងមូលហេតុ ហ្ស៊ីមបាវ៉េលក់ដំរីជាង ៩០ក្បាលឲ្យទៅចិន និងឌូបៃថ្លៃជាង២លានដុល្លារ
- 2019-05-28 02:42:53
- ចំនួនមតិ 0 | ចំនួនចែករំលែក 0
ដឹងមូលហេតុ ហ្ស៊ីមបាវ៉េលក់ដំរីជាង ៩០ក្បាលឲ្យទៅចិន និងឌូបៃថ្លៃជាង២លានដុល្លារ
ចន្លោះមិនឃើញ
រដ្ឋាភិបាលប្រទេសហ្ស៊ីមបាវ៉េ បានសម្រេចចិត្តលក់សត្វដំរីជាង ៩០ក្បាលទៅឲ្យចិន និងឌូបៃក្នុងតម្លៃជាង ២លានដុល្លារ។
យោងតាមអ្នកនាំពាក្យភ្នាក់ងារអភិរក្សសត្វព្រៃរបស់ហ្ស៊ីមបាវ៉េឲ្យដឹងថា ដំរីទាំងនោះត្រូវបានលក់ក្នុងតម្លៃ ២,៧លានដុល្លារហើយលក់ដែលបានពីការលក់ នឹងត្រូវយកទៅប្រើប្រាស់ដើម្បីគាំទ្រការខិតខំអភិរក្សសត្វព្រៃបន្ដទៀត។ ប្រភពដដែលបន្ដថា ដោយសារមានការលំបាកក្នុងការគ្រប់គ្រងចំនួនសត្វដំរីក្នុងឧទ្យានជាតិរបស់ខ្លួន ទើបរដ្ឋាភិបាលសម្រេចចិត្តលក់ហើយយកលុយទាំងនោះមកផ្ដោតលើការការពារសត្វដំរីដែលនៅសេសសល់។ ចំណែកឯរដ្ឋមន្ត្រីក្រសួងទេសចរលោក Prisca Mupfumira ឲ្យដឹងថាសព្វថ្ងៃនេះប្រទេសហ្ស៊ីមបាវ៉េ មានដំរីជាង ៨៥ ០០០ក្បាលខណៈដែលពួកគេមានលទ្ធភាពផ្ដល់ចំណីត្រឹម ៥៥ ០០០ក្បាលប៉ុណ្ណោះ។
គួរបញ្ជាក់ថា សត្វដំរីដែលបានលក់មានតម្លៃចន្លោះពី ១៣ ៥០០ ទៅ ៤១ ៥០០ដុល្លារក្នុងមួយក្បាលហើយត្រូវបានដឹកតាមយន្ដហោះទៅកាន់ឧទ្យានចិន និងឌូបៃ៕