- 2019-05-30 07:11:54
- ព័ត៌មាន
ក្ដាន់មួយក្បាលនៅសួនជប៉ុន បានងាប់ក្រោយលេបប្លាស្ទិកជាង ៤គីឡូចូលក្នុងពោះ
- 2019-05-30 07:11:54
- ចំនួនមតិ 0 | ចំនួនចែករំលែក 0
ក្ដាន់មួយក្បាលនៅសួនជប៉ុន បានងាប់ក្រោយលេបប្លាស្ទិកជាង ៤គីឡូចូលក្នុងពោះ
ចន្លោះមិនឃើញ
សត្វក្ដាន់ញីមួយក្បាលដែលរស់នៅក្នុងសួនដ៏ល្បីរបស់ជប៉ុន Nara ត្រូវបានគេរកឃើញសំណល់ប្លាស្ទិកជាង ៤គីឡូក្រាមក្នុងពោះក្រោយពេលដែលវាងាប់កាលពីខែមីនាកន្លងទៅ។
យោងតាមសមាគមសត្វក្ដាន់ Nara ឲ្យដឹងកាលពីពេលថ្មីៗនេះថា សត្វក្ដាន់ញីអាយុ ១៧ឆ្នាំនេះ ត្រូវបានគេឃើញដេកហើយមិនអាចដើរបាននៅជិតប្រាសាទ Todaiji កាលពីថ្ងៃទី ២៣ខែមីនា។ ក្រុមការងារ បានព្យាយាមផ្ដល់ចំណីដល់សត្វក្ដាន់ ប៉ុន្តែវាមិនព្រមស៊ីនោះទេ។ លុះមួយថ្ងៃក្រោយមក សត្វក្ដាន់ក៏បានងាប់ ហើយការវះកាត់រកឃើញសំណល់ប្លាស្ទិកជាង ៤គីឡូក្រាមក្នុងពោះវាតែម្ដង។
គួរឲ្យដឹងថា ស្លាកសញ្ញាជាច្រើន ត្រូវបានដាក់នៅសួន Nara ដើម្បីហាមឃាត់ភ្ញៀវទេសចរពីការឲ្យចំណីសត្វក្ដាន់ផ្ដេសផ្ដាយដោយអនុញ្ញាតឲ្យតែនំ Senbei ប៉ុណ្ណោះ។ ប៉ុន្តែភ្ញៀវទេសចរជាច្រើន បានបំពានការហាមប្រាម និងទិញចំណីនៅក្បែរនោះមកដាក់ឲ្យសត្វ ជាហេតុធ្វើឲ្យពួកវាពេលខ្លះស៊ីទាំងថង់ប្លាស្ទិក៕