- 2019-06-03 07:04:22
- ការអប់រំ
សាលាមតេ្តយ្យអន្ដរជាតិ២ ចាប់ដៃគ្នាពង្រឹងប្រព័ន្ធអប់រំ តាមរយៈកម្មវិធីពិសេសមួយ
- 2019-06-03 07:04:22
- ចំនួនមតិ 0 | ចំនួនចែករំលែក 0
សាលាមតេ្តយ្យអន្ដរជាតិ២ ចាប់ដៃគ្នាពង្រឹងប្រព័ន្ធអប់រំ តាមរយៈកម្មវិធីពិសេសមួយ
ចន្លោះមិនឃើញ
នៅព្រឹកថ្ងៃទី៣១ ខែឧសភា ឆ្នាំ២០១៩ នៅមត្តេយ្យសាលាអន្តរជាតិ My Little Pumpkin ស្ថិតក្នុងរាជធានីភ្នំពេញ បានរៀបចំពិធីចុះអនុស្សរណៈយោគយល់គ្នាជាមួយសាលាដ៏ល្បីឈ្មោះនៅប្រទេសសិង្ហបុរី គឹសាលា School Plus ដើម្បីនាំយកនូវកម្មវិធីអប់រំពិសេសរបស់ប្រទេសសិង្ហបុរីកម្រិតចាប់ពីបឋមសិក្សារហូតដល់វិទ្យាល័យលើមុខវិជ្ជា ភាសាអង់គ្លេស គណិតវិទ្យា និងវិទ្យាសាស្រ្តពិតដោយដើរតាមគោលការណ៍ និងស្ដង់ដារប្រទេសសឹង្ហបុរី។
ភាគីទាំងពីរបានព្រមព្រៀងគ្នានាំយកកម្មវិធីអប់រំពិសេសតាមប្រព័ន្ធអនឡាញដ៏ល្បីរបស់សឹង្ហបបុរីមួយនេះមកកម្ពុជាដោយខាងសាលា School Plus ទទួលខុសត្រូវលើការរៀបចំនិងអភិវឌ្ឍន៍កម្មវិធីសិក្សា ហើយភាគីខាងសាលាមត្តេយ្យអន្តរជាតិ My Little Pumpkin ជាអ្នកទទួលខុសត្រូវលើប្រតិបត្តិការកម្មវិធីនៅក្នុងប្រទេសកម្ពុជាដោយធ្វើយ៉ាងណាធានាឱ្យបានគុណភាពខ្ពស់ ស្របតាមបច្ចេកវិទ្យាទំនើប បង្ករលក្ខណៈងាយស្រួលដល់សិស្សដែលមកទទួលយកសេវាកម្មរៀនតាមអនឡាញ និងមានគ្រូជំនួយប្រកបដោយជំនាញ។
តាមរយៈអនុស្សរណៈ នៃការយោគយល់នេះនឹងផ្ដល់ការងារក្រៅម៉ោងសម្រាប់និស្សិតកំពុងសិក្សា ឬបញ្ចប់ការសិក្សាតាមរយៈការចូលរួមជាគ្រូជំនួយផងដែរ។ សូមបញ្ជាក់ផងដែរថា ការសិក្សាតាមប្រព័ន្ធអនឡាញនេះ គឺធ្វើឡើងតាមរយៈកម្មវិធី Geniebook ដែលជាកម្មវិធីមួយដែលអាចជួយសិស្សធ្វើស្វ័យសិក្សាបានយ៉ាងងាយស្រួលជាទីបំផុត ជាពិសេសអាចជួយជម្រុញដល់សិស្សខ្សោយឱ្យឆាប់ទទួលយកបានការយល់ដឹងទៅតាមកម្រិត និងមុខវិជ្ជានីមួយៗ។