- 2019-06-03 02:45:00
- ព័ត៌មាន
ប្រជាជនអូស្ត្រាលីជាង៥០០នាក់ ត្រូវជម្លៀសខ្លួនព្រោះក្លិនទុរេន
- 2019-06-03 02:45:00
- ចំនួនមតិ 0 | ចំនួនចែករំលែក 0
ប្រជាជនអូស្ត្រាលីជាង៥០០នាក់ ត្រូវជម្លៀសខ្លួនព្រោះក្លិនទុរេន
ចន្លោះមិនឃើញ
បណ្ណាល័យនៃសកលវិទ្យាល័យ Canberra ត្រូវជម្លៀសមនុស្ស និងកម្លាំងពន្លត់អគ្គិភ័យត្រូវបានហៅមកក្រោយពេលមនុស្សជាច្រើនច្រឡំថាក្លិនធុរេនគឺជាក្លិនហ្គាស។
មនុស្សប្រមាណ៥០០នាក់ត្រូវបានជម្លៀសចេញពីបណ្ណាល័យមហាវិទ្យាល័យ Canberra ប្រទេសអូស្ត្រាលី ក្រោយពេលបណ្ណាល័យប្រកាសថាមានក្លិនហ្គាសយ៉ាងខ្លាំងបានភាយចេញមក។
ភ្លាមៗនោះ កម្លាំងពន្លត់អគ្គិភ័យត្រូវបានហៅមកជាបន្ទាន់ដោយ សាលាគិតថា មានធ្លាយហ្គាសនៅត្រង់ណាមួយក្នុងបរិវេណសាលា។ យ៉ាងណាក្ដី ក្រោយស្វែងរកជាងមួយម៉ោងជាមួយកម្លាំងជិត២០នាក់ ក្រុមពន្លត់អគ្គិភ័យរកឃើញតែផ្លែធូរេនមួយត្រូវគេបោះចោលក្នុងធុងសំរាម។
ក្រោយមកបណ្ណាល័យត្រូវបានបើកវិញជាធម្មតា តែមនុស្សជាច្រើនឆ្ងល់ថាម៉េចក៏មានមនុស្សអាចយកផ្លែធូរេនចូលបាននៅពេល សាលាមិនឲ្យយកអាហារចូលនោះ។ ក្រោយហេតុការណ៍នេះដែរ រូបភាពតំណាងរបស់សាលានៅលើបណ្ដាញសង្គមត្រូវប្ដូរមកជារូបហាមមិនឲ្យយកផ្លែធូរេនចូលសាលា។ ជាមួយគ្នានេះដែរ យោងតាមការពិសោធន៍ ប្រជាជនអូស្ត្រាលីជាច្រើនមិនអាចញ៉ាំធូរេនបានឡើយ ដោយគិតថាផ្លែឈើប្រភេទនេះមានក្លិនខ្លាំងពេក៕
