សេះសមុទ្រប្រឈមជិតផុតពូជ ក្រោយចិនចាប់យកធ្វើថ្នាំជំនួយផ្លូវភេទ

2019-06-07 02:19:45
ព័ត៌មាន

2019-06-07 02:19:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំនួនសត្វសេះសមុទ្រ កំពុងធ្លាក់ចុះយ៉ាងគំហុកក្រោយពេលដែលប្រជាជានចិនភាគច្រើននៅហុងកុងប្រកបមុខរបរចាប់សេះសមុទ្រយកមកធ្វើថ្នាំជំនួយផ្លូវភេទ។

កាលពីសប្ដាហ៍មុន សត្វសេះសមុទ្រ ត្រូវបានបញ្ចូលទៅក្នុងបញ្ជីសត្វដែលជិតផុតពូជ ហើយតម្រូវឱ្យហុងកុង និងតំបន់ចំនួន ១៦០ ផ្សេងទៀតនៅជុំវិញពិភពលោកត្រួតពិនិត្យការជួញដូរ និងហាមឃាត់ការចាប់សត្វសេះសមុទ្រដែលមានប្រវែងខ្លីជាង ១០សង់ទីម៉ែត្រ។ សត្វសេះសមុទ្រ ត្រូវបានគេប្រើប្រាស់ក្នុងឱសថបុរាណចិនដែលប្រជាជនជឿថាវាមានថាមពលពិសេសជំនួយដល់ផ្លូវភេទ។ យោងតាមរបាយការណ៍បង្ហាញថា ហុងកុងបាននាំចូលសេះសមុទ្រប្រមាណជា២ភាគ៣ទូទាំងពិភពលោកចាប់តាំងពីឆ្នាំ ២០០៤ ដល់ ២០១៧។ លើសពីនេះទៀត សេះសមុទ្រក្រៀមក៏មានការកើនឡើងការលក់សម្រាប់ប្រើប្រាស់ជាថ្នាំនៅក្នុងប្រទេសឥណ្ឌូនេស៊ី និងតៃវ៉ាន់។

គួរឲ្យដឹងថា សត្វសេះសមុទ្រ ត្រូវបានគេប្រើប្រាស់ក្នុងឱសថបុរាណចិនអស់រយៈពេលជាង៦០០ឆ្នាំមកហើយសម្រាប់ដោះស្រាយបញ្ហាខ្សោយផ្លូវភេទ និងប្រើប្រាស់សម្រាប់ដាក់ក្នុងស៊ុបប៉ូវកម្លាំងផងដែរ៕