/5cfa0bdcb296e_1559890860_medium.jpg)
- 2019-06-07 07:02:53
- ព័ត៌មាន
ក្រុងមួយនៅថៃ ជះលុយជិត ៧លានដុល្លារ ត្រៀមទប់ទល់ទឹកជំនន់នៅខែភ្លៀង
- 2019-06-07 07:02:53
- ចំនួនមតិ 0 | ចំនួនចែករំលែក 0
ក្រុងមួយនៅថៃ ជះលុយជិត ៧លានដុល្លារ ត្រៀមទប់ទល់ទឹកជំនន់នៅខែភ្លៀង
ចន្លោះមិនឃើញ
ក្រុមប្រឹក្សានៃទីក្រុងប៉ាតាយ៉ាប្រទេសថៃ បានសម្រេចយល់ព្រមនឹងគម្រោងចំនួន ១០ដើម្បីដោះស្រាយបញ្ហាទឹកជំនន់នៅក្នុងទីក្រុង។
គម្រោងនេះ នឹងចំណាយទឹកប្រាក់ប្រមាណជា ២១៨លានបាត (ជិត ៧លានដុល្លារ) សម្រាប់ជួសជុល និងកែប្រែតំបន់ចំនួន ២០នៅជុំវិញទីក្រុងប៉ាតាយ៉ា។ ផែនការទាំងនេះ មានដូចជាការពង្រីកបំពង់ទឹកក្រោមដី, ដំឡើងឧបករណ៍ប៉ូមទឹកបន្ថែម ក៏ដូចជាទិញឧបករណ៍ប្រើប្រាស់ជំនួយផ្សេងទៀតផងដែរ។ តំបន់ដែលនឹងត្រូវជួសជុលមានដូចជា Pattaya Technical Collage, ផ្សារ Naklua, ផ្លូវ Naklua, Soi Nongyai, ភូមិ Pacific, Soi Tangmo, Soi Buakhao, Diana Inn, ផ្លូវ Sukhumvit, Soi Wat Thamsamakee, ផ្លូវរថភ្លើង, ផ្លូវទីបីនៅភោជនីយដ្ឋាន Mum Aroy, ផ្លូវឆ្នេរខ្សាច់, Soi Jularat, Thepprasit Soi 7, ផ្សារ Rom Po, តំបន់ក្រោយផ្សារបណ្ដែតទឹកប៉ាតាយ៉ា និងផ្លូវ Pratamnak។
គួរឲ្យដឹងថា ប្រព័ន្ធបង្ហូរទឹកដែលដំឡើងក្នុងទីក្រុងប៉ាតាយ៉ាសព្វថ្ងៃ មានសមត្ថភាពបង្ហូរទឹកត្រឹម ៦៥ ០០០ម៉ែត្រគូបប៉ុណ្ណោះ ខណៈដែលទឹកជាង ៨០ ០០០ម៉ែត្រគូបត្រូវបានបង្ហូររាល់ថ្ងៃដែលជាហេតុបង្កឲ្យមានទឹកជំនន់ជាញឹកញាប់៕
