- 2019-06-09 02:53:00
- ព័ត៌មាន
វីដេអូអាសអាភាសភ្លាត់ចាក់ក្នុងកិច្ចប្រជុំមន្ត្រីរដ្ឋាភិបាលឥណ្ឌា ធ្វើឲ្យគ្រប់គ្នាស្រឡាំងកាំង
- 2019-06-09 02:53:00
- ចំនួនមតិ 0 | ចំនួនចែករំលែក 0
វីដេអូអាសអាភាសភ្លាត់ចាក់ក្នុងកិច្ចប្រជុំមន្ត្រីរដ្ឋាភិបាលឥណ្ឌា ធ្វើឲ្យគ្រប់គ្នាស្រឡាំងកាំង
ចន្លោះមិនឃើញ
កិច្ចប្រជុំមួយរបស់មន្រ្តីរដ្ឋាភិបាលឥណ្ឌា ធ្វើឲ្យគ្រប់គ្នាស្រឡាំងកាំងបាត់មាត់បាត់ក នៅពេលដែលវីដេអូអាសអាភាសត្រូវបានចាក់រយៈពេល ៣០ វិនាទីនៅក្នុងកិច្ចប្រជុំរបស់លេខាធិការដ្ឋាននៅរដ្ឋរ៉ាចាសាន។ នេះបើតាម The Independent ទើបបានចុះផ្សាយ។
កិច្ចប្រជុំនេះបានធ្វើឡើងកាលពីដើមសប្ដាហ៍ នៅស្នាក់ការនៃនាយកដ្ឋានចំណីអាហាររបស់ឥណ្ឌា។ ក្នុងអំឡុងពេលធ្វើវីដេអូ conference ឈុតក្តៅសាច់មួយបានចាប់ផ្តើមចាក់ប្រហែល៣០វិនាទីនៅលើអេក្រង់។
លោកស្រី មុក្ដា ស៊ីង (Mugdha Singh) ជាលេខាធិការនៃនាយកដ្ឋានខាងលើ បានប្រាប់សារព័ត៌មានក្នុងស្រុក Press Trust of India ថាភ្លាមៗលោកស្រីបានហៅគេមកជួយដោះស្រាយ និង រាយការណ៍អំពីបញ្ហានេះ។
លោកស្រីបាននិយាយថា នៅក្នុងបន្ទប់ប្រជុំរួមមានមន្រ្តីនាយកដ្ឋានចំនួន១០នាក់ តំណាងមកពីមជ្ឈមណ្ឌលព័ត៌មានជាតិ (NIC) នៃប្រទេសឥណ្ឌា២នាក់ ហើយ៣៣នាក់ផ្សេងទៀតគឺជាអ្នកតំណាងពីបណ្ដាស្រុកនានានៃរដ្ឋនេះ ដែលកំពុងចូលរួមនៅក្នុងការប្រជុំពីតាមរយៈវីដេអូសន្និសីទពីទីតាំងស្រុកនីមួយៗរបស់ពួកគេ។
ក្រុមការងារ IT បានប្រញាប់ស្វែងរកវីដេអូឃ្លីប និង បញ្ឈប់វា ខណៈដែលក្រុមមន្ត្រីអង្គុយទាំងទឹកមុខក្រហមស្លន់ស្លោ។ កុំព្យូទ័រយួរដៃមួយក្នុងចំណោមកុំព្យូទ័រទាំងអស់សម្រាប់ធ្វើវីដេអូ conference ត្រូវបានគេរកឃើញថាបានចាក់ឃ្លីបវីដេអូដោយចៃដន្យក្នុងអំឡុងពេលវីដេអូ conference ហើយឈុតស្រើបស្រាលបានបញ្ជូនទៅអេក្រង់ធំ។
វីដេអូបន្តចាក់២នាទីទៀតក្រោយវាផ្តាច់ចេញពីអេក្រង់យក្ស មុនពេលដែលក្រុមបច្ចេកទេសអាចបញ្ឈប់វាបាន។ ក្រុម IT បានបង្ហាញថាមូលហេតុនេះកើតឡើងទៅបាន គឺដោយសារតែគេប្រើកុំព្យូទ័រយួរដៃផ្ទាល់ខ្លួនសម្រាប់ប្រជុំវីដេអូ conference ហើយភ្លាត់ស្នៀតចាក់ឃ្លីបវីដេអូនោះ បន្ទាប់មកវាក៏បញ្ជូនរូបភាពតាមរយៈ វីដេអូ conference ទៅអេក្រង់ធំតែម្តង។
Naresh Gupta នាយកបច្ចេកទេសជាន់ខ្ពស់របស់មជ្ឈមណ្ឌលព័ត៌មានជាតិប្រទេសឥណ្ឌាបាននិយាយថា "យើងបានចាប់ផ្តើមស៊ើបអង្កេតលើហេតុការណ៍នេះ។ អ្នកណាក៏ដោយ ឲ្យតែរកឃើញថាបានប្រព្រឹត្ត គឺនឹងទទួលខុសត្រូវ"៕
អាន៖ ២៧ សន្លឹករូបថតបែប portrait ដ៏មានឥទ្ធិពលរបស់អ្នកថតរូបប៉ូឡូញដែលធ្វើដំណើរទូទាំងឥណ្ឌា
អាន៖ ប្រទេសចំនួន៦ដែលមានអត្រាអ្នកស្លាប់ច្រើនបំផុតពេលថត selfie មិនប្រុងប្រយ័ត្ន