/5d020e752f456_1560415860_medium.jpg)
- 2019-06-13 08:52:39
- ព័ត៌មាន
ឥណ្ឌារងការវាយប្រហារ ពីខ្យល់ព្យុះស៊ីក្លូនខ្លាំងបំផុតមិនធ្លាប់មានក្នុងពេល ២ទសវត្ស
- 2019-06-13 08:52:39
- ចំនួនមតិ 0 | ចំនួនចែករំលែក 0
ឥណ្ឌារងការវាយប្រហារ ពីខ្យល់ព្យុះស៊ីក្លូនខ្លាំងបំផុតមិនធ្លាប់មានក្នុងពេល ២ទសវត្ស
ចន្លោះមិនឃើញ
ប្រជាជនឥណ្ឌាប្រមាណជា ៦លាននាក់ ត្រូវបានរំពឹងថាអាចនឹងរងផលប៉ះពាល់ពីកម្លាំងដ៏ខ្លាំងក្លានៃខ្យល់ព្យុះស៊ីក្លូន Vayu ដែលកំពុងរំកិលមកភាគពាយព្យប្រទេស និងតំបន់ឆ្នេរសមុទ្រ Gujarat នាព្រឹកថ្ងៃព្រហស្បតិ៍នេះ។
យោងតាមអ្នកនាំពាក្យក្រសួងមហាផ្ទៃឥណ្ឌាឲ្យដឹងថា ប្រជាជនជិត ៣០០ ០០០នាក់ នឹងត្រូវជម្លៀសទៅកាន់ជម្រកបណ្ដោះអាសន្នចំនួន ៧០០កន្លែង ខណៈដែលសាលារៀន និងសកលវិទ្យាល័យនឹងត្រូវបិទរហូតដល់ថ្ងៃសុក្រ។ ជាមួយនឹងល្បឿនខ្យល់ ១៧០គីឡូម៉ែត្រក្នុងមួយម៉ោង ខ្យល់ព្យុះ Vayu អាចក្លាយជាព្យុះស៊ីក្លូនខ្លាំងបំផុតមិនធ្លាប់មានក្នុងរយៈពេល ២០ឆ្នាំនៅប្រទេសឥណ្ឌា។ ខ្យល់ព្យុះ Vayu បានធ្វើដំណើរឆ្លងភាគខាងលិចទីក្រុង Mumbai ប្រមាណ ៣០០គីឡូម៉ែត្រកាលពីថ្ងៃពុធ ហើយកំពុងរំកិលខ្លួនទៅទិសខាងជើងនៃឆ្នេរ Gujarat។
យ៉ាងណាមិញ អាជ្ញាធរឥណ្ឌា បានបញ្ជូនក្រុមកងកម្លាំងឆ្លើយតបគ្រោះមហន្តរាយថ្នាក់ជាតិចំនួន ៣៩ ក្រុមដែលមានមនុស្ស ៤៥ក្នុងមួយក្រុមដើម្បីជួយធ្វើការជម្លៀស, រុករក និងប្រតិបត្តិការផ្សេងៗ៕
