គួរឲ្យសរសើរ! អ៊ីស្រាអែលប្រើបច្ចេកវិទ្យាប្រមូលទឹកសន្សើម ដាំដុះដំណាំលើវាលខ្សាច់ឈានមុខគេ

2019-06-20 08:37:22
ព័ត៌មាន

2019-06-20 08:37:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនមួយក្នុងប្រទេសអ៊ីស្រាអែល បានអភិវឌ្ឍឧបករណ៍ប្លាស្ទិកប្រើប្រាស់ឡើងវិញដើម្បីប្រមូលទឹកសន្សើមសម្រាប់ការដាំដុះដំណាំលើវាលខ្សាច់។

កាលពីសម័យមុន ដូនតារបស់អ៊ីស្រាអែល បានដាក់ដុំថ្មជុំវិញដំណាំរបស់ខ្លួនដើម្បីប្រមូលទឹកសន្សើមពីក្នុងខ្យល់អាកាស ហើយឥឡូវ គំនិតនេះត្រូវបានយកមកអភិវឌ្ឍជាមួយបច្ចេកវិទ្យាបច្ចុប្បន្ន។ ក្រុមហ៊ុនអ៊ីស្រាអែលTal-Ya បានអភិវឌ្ឍឧបករណ៍ដើម្បីប្រមូលទឹកសន្សើមសម្រាប់ស្រោចស្រប់ដំណាំខណៈដែលទឹកក្នុងប្រទេសនេះ មានការខ្វះខាតខ្លាំង។ការបង្កើតថ្មីនេះ មានផលប្រយោជន៍អេកូឡូស៊ីជាច្រើនដែលហួសពីការសន្សំទឹកធម្មតា។

ឧបករណ៍នេះ មានតម្លៃត្រឹម១ដុល្លារប៉ុណ្ណោះសម្រាប់ប្រើប្រាស់លើរុក្ខជាតិមួយដែលឧបករណ៍នេះត្រូវដាក់ជាប់នឹងដីផ្ទាល់។ ឧបករណ៍នេះ ត្រូវបានចោះប្រហោងកណ្ដាលសម្រាប់ឲ្យរុក្ខជាតិលូតលាស់ ហើយផ្នែកជុំវិញសម្រាប់ទាក់ទាញទឹកសន្សើមមកស្រោចស្រប់ដំណាំ។ លើសពីនេះ ឧបករណ៍ដែលប្រើប្រាស់ហើយ ក៏អាចផ្លាស់ប្ដូរសម្រាប់ដាក់លើរុក្ខជាតិផ្សេងទៀតដោយសារវាមានស្រទាប់ការពារ UV ហើយមិនខូចគុណភាពក្រោមកម្ដៅថ្ងៃ ឬថ្នាំសម្លាប់សត្វល្អិតនោះទេ។

គួរបញ្ជក់ថា ជាមួយការប្រើប្រាស់ឧបករណ៍នេះសម្រាប់ដាំដំណាំ វាអាចជួយសន្សំទឹករហូតដល់ ៥០% ដែលត្រូវបានទទួលស្គាល់ដោយក្រសួងកសិកម្មអ៊ីស្រាអែលសម្រាប់ដាក់លក់ឲ្យកសិករប្រើប្រាស់ទូទាំងប្រទេសដើម្បីកាត់បន្ថយការចំណាយ និងផលិតផលដំណាំផងដែរ៕