- 2019-06-24 07:43:14
- ព័ត៌មាន
ឯកឧត្តម យន្ត មីន ទទួលស្គាល់កំហុស និងស្នើទៅសម្ដេចលាលែងតំណែង ពីអភិបាលខេត្តព្រះសីហនុ
- 2019-06-24 07:43:14
- ចំនួនមតិ 0 | ចំនួនចែករំលែក 0
ឯកឧត្តម យន្ត មីន ទទួលស្គាល់កំហុស និងស្នើទៅសម្ដេចលាលែងតំណែង ពីអភិបាលខេត្តព្រះសីហនុ
ចន្លោះមិនឃើញ
ក្នុងពេលបំពេញការងារនៅខេត្តព្រះ សីហនុ ឯកឧត្តម យន្ត មីន អភិបាលខេត្តព្រះសីហនុ បានទទួលស្គាល់កំហុសលើការគ្រប់គ្រងក្នុងដែនសមត្ថកិច្ចរបស់ខ្លួនដែលបណ្តាលអោយមានរឿងឈឺចាប់កើតឡើង។ "គាត់បានស្នើមកខ្ញុំដើម្បីលាលែងចេញពីអភិបាលខេត្តព្រះសីហនុ។ នេះជាគឺជាសារ ដែលសម្ដេចបានសរសេរនៅលើគណនីហ្វេសបុកសម្ដេចផ្ទាល់ នៅ១ម៉ោងមុននេះ ត្រូវនឹងថ្ងៃទី ២៤ ខែមិថុនា ឆ្នាំ ២០១៩។
សម្ដេចបានសរសេររៀបរាប់ទៀតថា "ខ្ញុំបានយល់ព្រមអោយគាត់លាលែង និងបានពិភាក្សាជាមួយ សម្តេច ស ខេង យកឯកឧត្តម គួច ចំរើន ពីអភិបាលខេត្តកំពង់ចាម មកធ្វើជាអភិបាលខេត្តព្រះសីហនុវិញ។ ទោះជាមានការរៀបចំបែបនេះក៏ដោយក៏ ឯកឧត្តម យន្ត មីន នៅបន្តដឹកនាំយុទ្ធនាការរុករក និងសង្រ្គោះតទៅទៀតរហូតចប់កិច្ចការ និងអភិបាលខេត្តថ្មីចូលកាន់តំណែង។
"ខ្ញុំក៏សូមបញ្ជាក់ថា ថ្ងៃនេះខ្ញុំបានសម្រេចចិត្តដក ឯកឧត្តម ញឹម វណ្ណដា ចេញពីតំណែងជាទេសរដ្ឋមន្ត្រីនិងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយដោយមូលហេតុខ្វះការទទួលខុសត្រូវនិងភូតភរ"៕
ការសម្រេចចិត្តរបស់ ឯកឧត្តម យន្ត មីន អភិបាលខេត្តព្រះសីហនុ ប្រកាសទទួលកំហុស និងស្នើលាលែងតំណែង ក្រោយពីកើតហេតុ នៃអគារកំពុងសង់ថ្មីមួយកន្លែងកម្ពស់ ៧ជាន់នៅជិតកន្លែងលាងរថយន្តអារុណរះ ក្នុងសង្កាត់លេខ៤ ក្រុងព្រះសីហនុ បានបាក់រលំនៅវេលាម៉ោងជិត៥ព្រឹក ថ្ងៃទី២២ ខែមិថុនា ឆ្នាំ២០១៩នេះ។ ការបាក់រលំអគារនេះ បានបណ្ដាលឲ្យមនុស្សស្លាប់ និង របួសច្រើននាក់ ហើយក៏មានប្រតិកម្មពីមហាជន ចំពោះសមត្ថភាពនៃការគ្រប់គ្រង របស់ឯកឧត្តម យន្ត មីន ជុំវិញបញ្ហាខាងលើនេះផងដែរ៕