- 2019-06-24 08:35:00
- សុខភាព
ទង្វើប្រចាំថ្ងៃដែលអ្នកពុំសូវចាប់អារម្មណ៍ ប៉ុន្តែវាអាចបំផ្លាញសុខភាពបេះដូងធ្ងន់ធ្ងរ
- 2019-06-24 08:35:00
- ចំនួនមតិ 0 | ចំនួនចែករំលែក 0
ទង្វើប្រចាំថ្ងៃដែលអ្នកពុំសូវចាប់អារម្មណ៍ ប៉ុន្តែវាអាចបំផ្លាញសុខភាពបេះដូងធ្ងន់ធ្ងរ
ចន្លោះមិនឃើញ
មានប្រជាជនអាមេរិកប្រមាណ ៦១ ម៉ឺននាក់ ដែលបានស្លាប់ដោយសារជំងឺបេះដូង ជារៀងរាល់ឆ្នាំ នេះបើយោងតាម CDC (មជ្ឈមណ្ឌលគ្រប់គ្រងនិងការពារជំងឺ)។ បើក្រុមគ្រួសាររបស់អ្នក ធ្លាប់មានប្រវត្តិកើតជំងឺបេះដូងពីមុនមក អ្នកក៏ងាយនឹងកើតជំងឺនេះដូចគ្នា។ មិនតែប៉ុណ្ណោះ សូម្បីសកម្មភាពប្រចាំថ្ងៃមួយចំនួន ដែលអ្នកមិនសូវចាប់អារម្មណ៍ទាល់សោះ ក៏អាចបំផ្លាញដល់សុខភាពបេះដូងបានដែរ។
១. គេងយូរពេក
អ្នកដែលគេងចាប់ពី ៨-៩ ម៉ោង អាចប្រឈមនឹងជំងឺបេះដូងតែ ៥% ប៉ុណ្ណោះ។ ចំណែកឯ ការគេងលើសពី១០ម៉ោងវិញ អាចមានហានិភ័យដល់ទៅ៤១% ឯណោះ។
២. គេងមិនគ្រប់
គេងយូរពេកក៏មិនល្អ ហើយគេងមិនគ្រប់កាន់តែមិនល្អទៅទៀត ព្រោះវានឹងបង្កផលប៉ះពាល់យ៉ាងខ្លាំងដល់បេះដូង។ អ្នកដែលគេងបានក្រោម ៦ ម៉ោងក្នុងមួយយប់ អាចនឹងមានកំណកក្នុងសរសៃឈាមបេះដូង ២៧% ច្រើនជាងអ្នកដែលគេងបាន៨ម៉ោងក្នុងមួយយប់។
៣. អង្គុយពេញមួយថ្ងៃ
ហាត់ប្រាណតែមួយមុខមិនទាន់គ្រប់គ្រាន់នៅឡើយទេ ជារៀងរាល់អ្នកត្រូវមានចលនា ឧស្សាហ៍ផ្លាស់ទី ឬដើរខ្លះ។ បើអង្គុយជាប់រហូតយូរពេក អ្នកនឹងអាចកើតជំងឺបេះដូងបានយ៉ាងងាយបំផុត។
៤. សំងំនៅតែក្នុងផ្ទះ
ប្រសិនបើអ្នកគេចពីធម្មជាតិហើយសំងំនៅតែក្នុងផ្ទះពេក នោះវាមិនល្អសម្រាប់សុខភាពបេះដូងឡើយ។ ដោយសារតែការគយគន់ទេសភាពធម្មជាតិពណ៌បៃតង ក៏អាចកាត់បន្ថយជំងឺបេះដូងបានដែរ។
៥. ញ៉ាំអាហារបំពងខ្លាញ់ច្រើន
គ្រប់អាហារបំពងខ្លាញ់ទាំងអស់មិនល្អសម្រាប់សុខភាពទាល់តែសោះ។ យោងតាមការចុះផ្សាយរបស់ British Medical Journal បានបញ្ជាក់ថា មនុស្សស្រីដែលញ៉ាំមាន់បំពងម្តងក្នុងមួយសប្តាហ៍ អាចប្រឈមនឹងការស្លាប់ដោយសារជំងឺបេះដូង ១១% ច្រើនជាងមនុស្សទូទៅ។
៦. ពូកែខឹងច្រើន
នៅធម្មតាសុខៗ ស្រាប់តែអ្នកច្រឡោតខឹងភ្លាមៗ ហាក់បីដូចជាកំពុងតែកម្ទេចបេះដូងខ្លួនឯងហើយ។ ជាពិសេសចំពោះបុរសវិញ គឺប្រឈមខ្លាំងបំផុតជាមួយជំងឺសរសៃបេះដូង។
៧. ផឹកភេសជ្ជៈមានហ្គាសនិងជាតិស្ករខ្ពស់
ភេសជ្ជៈដែលមានហ្គាសនិងមានជាតិស្ករខ្ពស់ អាចនាំគ្រោះថ្នាក់ខ្លាំងណាស់ដល់សុខភាពបេះដូង។ អ្នកដែលចូលចិត្តផឹកខានមួយថ្ងៃមិនបាន ងាយនឹងកើតជំងឺបេះដូង ជាងអ្នកមិនដែលឬមិនសូវផឹក។
៨. ផឹកទឹកមិនបានគ្រប់គ្រាន់
ការខ្វះជាតិទឹក ធ្វើឲ្យបេះដូងពិបាកដំណើរការ។ វាក៏អាចបណ្តាលមុខងារកោសិកាម្យ៉ាងឈ្មោះថា endothelial ធ្លាក់ចុះ ធ្វើឲ្យវិវត្តទៅរកជំងឺ សរសៃឈាមអាកទែ។
៩. ធ្វើការជាមួយចៅហ្វាយដែលតឹងតែងពេក
ការងារនៅការិយាល័យ ពិតជាប៉ះពាល់ធ្ងន់ធ្ងរទៅដល់សុខភាពផ្លូវចិត្តរបស់អ្នក។ ការប្រកួតប្រជែង ការគិតវិភាគ ការធ្វើការជាមួយចៅហ្វាយនាយដែលតឹងតែងពេក អាចបណ្តាលឲ្យអ្នកប្រឈមជាមួយនឹងការគាំងបេះដូង ដល់ទៅ ៦០%។
១០. ព្រួយបារម្ភច្រើនពេក
បើអ្នកកំពុងតែជួបវិបត្តិ កើតទុក្ខស្មុគស្មាញច្រើន គួរទៅជួបពិភាក្សាជាមួយអ្នកជំនាញ ដើម្បីការពារសុខភាពបេះដូង។ ដោយសារតែការព្រួយបារម្ភ ការកើតស្រ្តេស រាងកាយនឹងផលិតអ័រម៉ូនក័រទីសុល។ មានអ័រម៉ូនមួយប្រភេទនេះ កាន់តែច្រើនក្នុងខ្លួន ចង្វាក់បេះដូងនឹងលោតកាន់តែញាប់ខុសធម្មតា៕
ចុចអានបន្ត៖ ទឹកត្រសក់មានអត្ថប្រយោជន៍ច្រើនយ៉ាងនេះ ស្រីៗមិនគួររំលងទេ