ដូណាល់ ត្រាំក្លាយជាប្រធានាធិបតីអាមេរិកដំបូងបង្អស់ ឈានជើងចូលកូរ៉េខាងជើង

2019-07-01 02:26:17
ព័ត៌មាន

2019-07-01 02:26:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិកលោកដូណាល់ ត្រាំ បានក្លាយជាប្រធានាធិបតីដំបូងគេបង្អស់ដែលបានឈានជើងចូលទៅក្នុងប្រទេសកូរ៉េខាងជើងក្រោយពេលដែលជួបជាមួយមេដឹកនាំ គីម ជុងអ៊ុននៅតំបន់គ្មានកងទ័ពរវាងប្រទេសកូរ៉េទាំងពីរកាលពីថ្ងៃអាទិត្យកន្លងទៅ។

លោកដូណាល់ ត្រាំ និងគីមជុងអ៊ុន បានជួបពិភាក្សាគ្នាជាថ្មីដើម្បីបន្ដកិច្ចចរចាលើការស្នើដកនុយក្លេអ៊ែរចេញពីឧបទ្វីបកូរ៉េ ក្រោយពេលដែលកិច្ចប្រជុំនៅទីក្រុងហាណូយទទួលបរាជ័យកាលពីខែកុម្ភៈកន្លងទៅ។ នេះជាជំនួបលើកទី៣ហើយរវាងមេដឹកនាំទាំង២ បន្ទាប់ពីលើកទី១ ធ្វើឡើងនៅសិង្ហបុរី កាលពីខែមិថុនា ឆ្នាំ២០១៨ និងលើកទី២ នៅវៀតណាម កាលពីខែកុម្ភៈ ឆ្នាំ២០១៩។ កាលពីជំនួបនៅក្រុងហាណូយ មេដឹកនាំទាំង២ មិនអាចសម្រេចបាននូវការចរចាណាមួយឡើយអំពីបញ្ហានុយក្លេអ៊ែររបស់កូរ៉េខាងជើង។

គួរបញ្ជាក់ថា ជំនួបនេះ ត្រូវបានធ្វើឡើងក្រោយពេលដែលលោកដូណាល់ ត្រាំចាកចេញពីកិច្ចប្រជុំ G20 នៅប្រទេសជប៉ុនហើយធ្វើដំណើរទៅកាន់តំបន់គ្មានយោធានៃប្រទេសកូរ៉េទាំងពីរជាប្រវត្តិសាស្ត្រ៕