- 2019-07-01 04:14:26
- ព័ត៌មាន
គួរឲ្យរន្ធត់! ស្លាប់អ្នកដំណើរទាំងអស់ ១០នាក់ ក្រោយធ្លាក់យន្ដហោះឯកជននៅតិចសាស់
- 2019-07-01 04:14:26
- ចំនួនមតិ 0 | ចំនួនចែករំលែក 0
គួរឲ្យរន្ធត់! ស្លាប់អ្នកដំណើរទាំងអស់ ១០នាក់ ក្រោយធ្លាក់យន្ដហោះឯកជននៅតិចសាស់
ចន្លោះមិនឃើញ
មនុស្សទាំងអស់ ១០នាក់ បានស្លាប់ក្រោយពេលដែលធ្លាក់យន្ដហោះឯកជនមួយនៅព្រលានយន្ដហោះទីក្រុង Addison រដ្ឋតិចសាស់សហរដ្ឋអាមេរិកកាលពីថ្ងៃអាទិត្យកន្លងទៅ។
យោងតាមអ្នកនាំពាក្យទីក្រុងលោក Ed Martelle ឲ្យដឹងថាយន្ដហោះឯកជននេះ បានធ្វើដំណើរចេញពីព្រលានបន្ដិច ក៏ស្រាប់តែហោះបុកឃ្លាំងដាក់យន្ដហោះបណ្ដាលឲ្យឆាបឆេះជាអណ្ដាតភ្លើងកាលពីព្រឹកម៉ោង ៩នៅក្នុងតំបន់។ យន្ដហោះនេះ ត្រូវរំពឹងថានឹងហោះចេញពីទីក្រុង Addison ទៅកាន់ St. Petersburg រដ្ឋផ្លររីដា ប៉ុន្តែជាអកុសលក៏ជួបហេតុការណ៍ដ៏អាក្រក់នេះ បណ្ដាលឲ្យមនុស្សទាំងអស់នៅលើយន្ដហោះចំនួន ១០នាក់បានបាត់បង់ជីវិត។ ក្រោយកើតហេតុ ភ្នាក់ងារពន្លត់អគ្គីភ័យ បានធ្វើការឆ្លើយតបភ្លាមៗ និងបានពន្លត់ភ្លើងទាន់ពេលវេលា។
យ៉ាងណាមិញ អត្តសញ្ញាណនៃជនរងគ្រោះទាំងអស់ មិនទាន់ត្រូវបានបង្ហាញទេរហូតដល់រសៀលថ្ងៃដដែល ប៉ុន្តែក្រុមប្រឹក្សាសុវត្ថិភាពដឹកជញ្ជូន (NTSB) បានបញ្ជូនភ្នាក់ងាររបស់ខ្លួនដើម្បីទៅស៊ើបអង្កេតពីមូលហេតុដែលបណ្ដាលឲ្យមានហេតុការណ៍ដ៏អាក្រក់ដូច្នេះកើតឡើង៕