- 2019-07-07 02:34:41
- ព័ត៌មាន
មហាសេដ្ឋីធ្យូងថ្ម ស្លាប់គួរឲ្យរន្ធត់ក្រោយ ឧទ្ធម្ភាគចក្រធ្លាក់ចូលក្នុងសមុទ្រ
- 2019-07-07 02:34:41
- ចំនួនមតិ 0 | ចំនួនចែករំលែក 0
មហាសេដ្ឋីធ្យូងថ្ម ស្លាប់គួរឲ្យរន្ធត់ក្រោយ ឧទ្ធម្ភាគចក្រធ្លាក់ចូលក្នុងសមុទ្រ
ចន្លោះមិនឃើញ
មហាសេដ្ឋីធ្យូងថ្មម្នាក់ដ៏ល្បីឈ្មោះនៅរដ្ឋ West Virginia សហរដ្ឋអាមេរិកគឺលោក Chris Cline បានបាត់បង់ជីវិតក្នុងហេតុការណ៍ធ្លាក់ឧទ្ធម្ភាគចក្រចូលទៅក្នុងសមុទ្រនៅជិត Bahamas។
យោងតាមអាជ្ញាធរក្នុងតំបន់ឲ្យដឹងថា ឧទ្ធម្ភាគចក្របានហោះចេញពី Big Grand Cay កាលពីព្រឹកថ្ងៃព្រហស្បតិ៍ ហើយរយៈពេល ១២ម៉ោងក្រោយមកត្រូវរាយការណ៍ថាបាត់ដំណឹង ដោយមិនឃើញមកដល់គោលដៅដែលគ្រោងទុកនៅទីក្រុង Fort Lauderdale រដ្ឋផ្លររីដា។ ពលរដ្ឋក្នុងតំបន់ និងប៉ូលិស បានរកឃើញបំណែកឧទ្ធម្ភាគចក្រ និងសាកសពមនុស្សប្រុស ៣នាក់រួមជាមួយមនុស្សស្រី ៤នាក់។ ប្រភពដដែលបន្ដថា លោក Chris Cline បានធ្វើដំណើរតាមឧទ្ធម្ភាគចក្រជាមួយកូនស្រីរបស់ខ្លួន, មិត្តភក្ដិចំនួនពីរនាក់ និងមនុស្ស ២នាក់ផ្សេងទៀត។
ទោះយ៉ាងណាក៏ដោយ មកទល់ពេលនេះ អាជ្ញាធរកំពុងបើកការស៊ើបអង្កេតបន្ដជុំវិញមូលហេតុដែលបណ្ដាលឲ្យឧទ្ធម្ភាគចក្រធ្លាក់ចូលក្នុងសមុទ្រដូចនេះ៕
